Озгъан айны ахыр кюнлеринде Къабарты-Малкъар къырал университетде студентле бла тюбешиу болгъанды. Республиканы Экспортха себеплик этиу арасыны башчысыны орунбасары Хадижа Абидова КъМР-де предпринимательлеге къырал не бла себеплик этгенини, «Мени бизнесим» ара къаллай онгла бергенини юсюнден айтханды. Росмолодежь.Гранты структураны эксперти Ляна Лиева уа регионда жаш тёлюге къаллай грантла болгъанын билдиргенди.

Студентле айтылгъаннга эс буруп тынгылагъандыла, къонакълагъа да соруула бергендиле. Ала уа жаш адамлагъа бизнесге консультацияланы, магъаналы информацияны, ахча бла этилген себепликни юсюнден айтхандыла. Студентле дагъыда кеслери сюйген иш къурап, андан файда алыр амалны юсюнден билгендиле.

Улбашланы Мурат хазырлагъанды.