Иджыблагъэ екIуэкIащ Урысейм Тезырхэр егъэпшынынымкIэ и IэнатIэм (УИС) и лэжьакIуэхэм худо­жественнэ самодеятельностымкIэ я урысейпсо зэхьэзэхуэ. ТекIуахэм я гала-концертым хэтащ КъБР-м щыIэ УФСИН-м и лэжьакIуэхэри, - къет Управленэм и пресс-IуэхущIапIэм.
Урысей ФСИН-м и щIыналъэ IуэхущIапIэ 20-м и творческэ гупхэу зэпеуэм щытекIуахэм, лауреат хъуахэм я зэфIэкI щагъэлъэгъуащ Омск дэт къэрал Музыкэ театрым. КъБР-м щыIэ УФСИН-м и цIэкIэ концертым хэтащ IуэхущапIэм и ИК-3-м и мафIэс частым и лэжьакIуэхэу Газаев Русланрэ Джантудуев Алимрэ. Ахэр «Эстрадный вокал» зэпеуэм и лау­реат хъуащ. Абыхэм ягъэзэщIащ «Зовут меня в Балкарию» уэрэдыр (псалъэхэр Къэшэж Иннэ, макъамэр Къашыргъэ Билал яйщ).
- Мыпхуэдэ фестивалхэм мыхьэ­нэшхуэ яIэщ, абыхэм гупхэр зэ­къуагъэувэ, лэжьакIуэхэм Iэмал  ярет я зэфIэкIыр ягъэлъэгъуэну, - къыхагъэщащ зэпеуэм и къызэгъэпэщакIуэхэм.