Быйыл Зольск районда «Къоркъуусуз эм тынгылы автомобиль жолла» миллет проектге кёре жыйырма километр чакълы бирде беш объектге тынгылы ремонт этилгенди. 
Ишлени кезиуюнде 2,8 километрде Светловодское элни ара орамы жангыртылгъанды. Андан сора да, республикалы бюджетни ырысхысына чыпынлы чыракъла орнатхандыла эм тротуарла салгъандыла. Дагъыда «Каменномостское – Хабаз» жолну да 11,5 километри мардалагъа келиширча болгъанды. Ол эки эл бла ётген эм мектепле, амбулаторияла, межгитле орналгъан социал магъаналы объектге саналады. Аны бла бирге Псынадахада юч километр тенгли жерде жолгъа къаралгъанды. 
Республикалы жол фондну ахчасына да Батех бла Залукодес элледе мектеп, сабий сад, ясли, ФАП дегенча социал магъаналы учрежденияла болгъан Колхозная эм Октябрьская орамлагъа тынгылы ремонт этилгенди. 
Келир жылда Зольск районда бир километрден артыкъда «Светловодское – Зольское», «Шордаково – 6-чы Золка» жолла жангыртылгъандыла. Дагъыда «Заюково – Туфкарьер – Дыгамухо» жолну да 1,3 километри тенгли бири жангы излемлеге келиширча боллукъду. Ала социал магъаны объектле орналгъан эллиле тири хайырланнган жолладыла.