«Кесинг артха сёлеш» онлайн-проектни чеклеринде «Жалгъан лотереяла эмда оюнла: хыйлачылыкъны къалай ачыкъларгъа эмда кесинги алдатмазгъа» деген вебинар ётерикди. Анда информациялы технологияланы департаментини, МВД-ны, «Роскачествону» эмда битеуроссей къырал лотереяладан бирини келечилери бу ишде энчиликлени эмда хыйлачыла къаллай амалланы хайырланнганларыны юсюнден хапарларыкъдыла.

Вебинар «ВКонтакте» социал сетьде 24 ноябрьде кюндюз сагъат онбирде башланырыкъды: https://vk.com/video147412495_456239411. Тюзюнлей эфир  бу сайтда барлыкъды: https://sam.mos.ru. Анга къошулургъа сюе эсегиз, ары кирип жазылыргъа керексиз.

«Кесинг артха сёлеш» проектни Москваны Правительствосуну себеплиги бла былтыр бардырып башлагъандыла. Аны чеклеринде телефон эмда онлайн хыйлачылагъа алданмазгъа юйретедиле, деп билдиргендиле КъМР-ни Цифралы айнытыу министерствосундан.

Улбашланы Мурат.