80 жыллары толгъан адамлагъа къыралны жанындан болушлукъ талай жаны бла этиледи, ол санда аланы пенсияларыны страховой кесеклери кёбейтилип тёленеди. Бюгюнлюкде бизни республикада 80 жылдан тамата 20 029 инсан жашайдыла.

Пенсияны бу кесеги урунуу жыллагъа, страховой тёлеулеге кёре тохташдырылмайды, аны къырал кеси къоруулайды, ёлчеми 15 131 сомгъа жетеди. Аны алып башлар ючюн адам фондха барыргъа, заявление жазаргъа керек тюйюлдю. 80 жылы толгъанлай экинчи айда ахчасы кёбейтилип келликди.   

Пенсия жыл сан жетип неда сакъатлыкъ бла байламлы эм юйюрню тутхан адам ёлгени бла байламлы тёлеулени алгъанлагъа болушлукъну бу тюрлюсю этилмейди. Сора, биринчи къауумда сакъатлагъа да 80 жыллары толгъанлыкъгъа пенсияларына къошуллукъ тюйюлдю, нек дегенде алагъа тёлеулери ары дери да кёбейтилип келедиле.

Кульчаланы Зульфия.