|
|
ЛЪЭПКЪ ХАБЗЭХЭМРЭ ЩЭНХАБЗЭМРЭ ЗЫЩАГЪЭГЪУАЗЭ
10 ноября, 2023 - 13:17
ЦIыхубэ зэкъуэтыныгъэм и махуэм ирихьэлIэу, щэкIуэгъуэм и 4-м, ВДНХ-м къыщызэIуаха «Урысей» гъэлъэгъуэныгъэм щагъэуващ Кавказ. РФ хъыбарегъащIэ плIанэпэр.
Къэралым и щIыналъэ псоми я зэфIэкI щагъэлъагъуэ ВДНХ-м щагъэува Кавказ. РФ утыр бгы лыжэ зыгъэпсэхупIэ цIыкIущ, Iуащхьэмахуэ лъапэ кърипцIыхуну ящIауэ. Абы хыхьэу кIапсэ гъуэгум урикIуэ, Iуащхьэмахуэ и щыгум удэкI, бгым тет LeapRus хьэщIэщым зыщыбгъэпсэху хъунущ. Зыгъэпсэхугъуэ махуэхэм утым лекторий къыщызэIуахащ. Абы щIэныгъэ, зэфIэкI зиIэ цIыхухэр къыщыпсэлъащ, IэщIагъэлIхэм щаIущIащ, мастер-классхэр щрагъэкIуэкIащ. ХьэщIэхэр хагъэгъуэзащ Кавказым щыпсэу лъэпкъхэм я хабзэхэмрэ щэнхабзэмрэ. ВДНХ-м и ищхъэрэ куэбжэмкIэ щыIэ, къэралым и зыгъэпсэхупIэ нэхъыщхьэхэм я хэщIапIэ «Почувствуй Россию» утым деж щагъэуващ Кавказ. РФ стендыр.
Выставкэм зрезыгъэхьэлIахэм фIэхъус ярихащ вице-премьер Чернышенкэ Дмитрий. Гъэлъэгъуэныгъэм зыщагъэгъуэзащ вице-премьер Новак Александр, министрым и къуэдзэ Назаров Сергей, Кавказ. РФ IуэхущIапIэм и унафэщI Юмшанов Андрей сымэ.
Юмшанов Андрей жиIащ бгым зэрызыщагъэпсэху щIыкIэр альпинизмыр къыщежьа Iуащхьэмахуэ лъапэр я щапхъэу къызэрагъэлъэгъуар, бгым иджыри дэмыкIа хьэщIэхэр а щIыналъэм щIымахуэм кIуэну нэхъри тригъэгушхуэну зэрыщыгугъыр.
ХьэщIэхэм «Iуащхьэмахуэ» зыгъэпсэхупIэр ягу дыхьащ. Кавказ Ищхъэрэм и зыгъэпсэхупIэхэм я щIэупщIэм нэхъри зэрыхэхъуар нэрылъагъущ.
ТЕКIУЖЬ Заретэ.
 |
|
18.06.2025 - 15:02 Сабийхэр хъумэным и дунейпсо махуэм ирагъэхьэлIэри, Налшык къалэм дэт, Иджырей пятиборьем зегъэужьынымкIэ центрым щIыналъэхэм псым есынымкIэ я зэхьэзэхуэ щекIуэкIащ, «Спортыр наркотикхэм я бийщ» къ |
 |
|
18.06.2025 - 09:03 Спортсмен, лIыхъужьыгъэ зэрихьэу дзэ Iуэху хэхам хэкIуэда Магомедов Абдурэхьмэн и фэеплъу тхэквондомкIэ (ВТФ, Олимп джэгухэм хыхьэ лIэужьыгъуэмкIэ) щIыналъэхэм я зэхьэзэхуэ Дагъыстэным и къалащхьэ |
 |
|
18.06.2025 - 09:03 «Спортыр наркотикхэм я бийщ» къыхуеджэныгъэм щIэту КъБР-м и Кубокыр шахмат «псынщIэмкIэ» къэхьыным хуэунэтIа зэхьэзэхуэ Налшык къалэм и «Каисса» уардэунэм щекIуэкIащ. |
 |
|
18.06.2025 - 09:03 Октябрь Революцэ Иным иужькIэ, 1918 гъэм, Москва и Сокольники хьэблэм къыщыунэхуат «ЩIыуэпсыр фIыуэ зылъагъу ныбжьыщIэхэм я станц» зыфIаща IуэхущIапIэ.
|
 |
|
17.06.2025 - 12:25 Совет Союзым и ЛIыхъужь Къуэныкъуей Назир и фэеплъу Шэджэм къалэм щекIуэкIащ зауэ Iэпщэрыбанэ спортымкIэ республикэ зэхьэзэхуэ. |
|
