Элбрус районну тамата классларыны окъуучулары «Ёлюм къайда сатылгъанын билдир»   акциягъа къатышхандыла. Ангылатыу жумушла районну 13 школунда бардырылгъандыла.  
Районну ОМВД-сыны акъылбалыкъ болмагъанланы ишлери жаны бла инспекторлары наркотикле адамны саулугъуна, жамауатны айныууна къаллай хата салгъанларыны юсюнден ушакъла бардыргъандыла. Ала ууну сатыу-алыу бла байламлы жууаплылыкъны да ангылатхандыла. Сёз социал сетьледе къоркъуусузлукъну юсюнден да баргъанды.  «Сиз заманыгъызны асламын интернетде ётдюресиз. Аманлыкъчыла аны бла хайырланмай къалмайдыла», – дегендиле полициячыла.