ЦIыхухэм шынагъуэншагъэ къахузэгъэпэщыныр Iуэху нэхъыщхьэщ

КIуэкIуэ Ю. А. хэтащ Урысейм и МЧС-мрэ къэралым и щIыналъэхэмрэ я зэдэлэжьэныгъэм теухуа селектор зэIущIэм

Урысей Федерацэм Граждан зыхъумэжыныгъэм и IуэхухэмкIэ, къызэрымыкIуэ щытыкIэхэмкIэ, къэ­хъуа гузэвэгъуэхэм я лъэужьхэр гъэкIуэдыжынымкIэ и министр Зиничев Евгений Москва щригъэкIуэкIащ урысейпсо селектор зэIущIэ. Абы щытепсэлъыхьащ цIыхухэм шынагъуэншагъэ къахузэгъэпэщыным хуэгъэзауэ къегъэлакIуэ IэнатIэмрэ щIыналъэхэмрэ зэрызэдэлажьэм хиубыдэ Iуэхухэм. ЗэIущIэм хэтащ Къэбэрдей-Балъкъэрым и Iэтащхьэ КIуэкIуэ Юрий.

Министрым къыхигъэщхьэхукIащ щIыуэпсым и къэхъукъащIэхэм къадэкIуэ шынагъуэ куэд къэралым и щIыпIэ зэмы­лIэужьыгъуэхэм къызэрыщыхъур. Хэ­щIыныгъэ нэхъыбэ къахь мафIэсхэмрэ псыдзэхэмрэ. Абыхэм я зэранкIэ 2012 гъэм и закъуэ Урысей Федерацэм и щIыналъи 10-м (абыхэм Къэбэрдей-Балъкъэрри яхэту) щыпсэухэм ящыщу цIыху мин 42-м щIигъум хэщIыныгъэ ягъуэтащ.

КъызэрымыкIуэ щытыкIэхэм я шынагъуэхэм япэ­щIэтынымкIэ къэралым системэ тэмэм щызэтеуващ. Апхуэдэу щыт пэтми, жиIащ Зиничев Евгений, а IэнатIэм и лэжьыгъэр хуэунэтIын ­хуейщ шынагъуэхэр къэмыгъэхъуным.

Министрым къыхигъэщхьэхукIащ УФ-м и Президентым къызэригъэувам тету къызэрымыкIуэ щытыкIэхэм япэщIэ­тынымрэ мафIэсхэм я шынагъуэ къэмыгъэхъу­нымкIэ дэнэ щIыпIи щыIэ комиссэхэм я пашэу щIыналъэхэм я Iэтащхьэхэр щытын зэрыхуейр. А унафэр щIадзауэ щагъэзащIэ щIыпIэхэм я лэжьэкIэм къегъэлъагъуэ мылъкумрэ ахъшэмрэ зэщIэгъэу­IуэнымкIэ, IэнатIэ псоми я зэфIэкIыр хуэунэтIынымкIэ ар сэбэ­пышхуэу зэрыщытыр.

КъБР-м и Iэтащхьэмрэ Правительствэмрэ я пресс-IуэхущIапIэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)