VOGUE ЖУРНАЛЫМ И НАПЭКIУЭЦIХЭР ЯГЪЭДАХЭ

11 сентября, 2023 - 09:25

Америкэм и Штат Зэгуэтхэм 1892 гъэм щыщIэдзауэ дахагъэм, модэм теухуауэ къыщыдэкI VOGUE хьэрып журналым и фокIадэ къыдэкIыгъуэр траухуащ Иорданием щыпсэу адыгэхэм къадекIуэкI щэнхабзэ, хабзэ, псэукIэ дахэм. Амман щыпсэу ди лъэпкъэгъухэм я теплъэ зэкIужымрэ дуней тетыкIэ дахэмрэ гурыхь ящыхъуащ журнал цIэрыIуэм и щIэджыкIакIуэхэм. КъыжыIапхъэщ, VOGUE журналым и къудамэхэр иджыри къэрал 26-м зэрыщыIэр икIи ар дунейм и плIанэпэ куэдым зэрыщызэIэпахыр.
Журналым и редакцэм тхыгъэр зытеухуам хуищIа хэзыгъэгъуазэм къыхощ Иорданием щыпсэу адыгэхэм я дуней щхъуэкIэплъыкIэр, абыхэм Кавказыр, тенджыз ФIыцIэм и Iуфэр я тхыдэ щIыпIэу зэрыщытыр. Апхуэдэу тхыгъэм Iуданэ плъыжьу щыпхышащ IуэрыIуатэкIэ, къафэрэ макъамэкIэ ди лъэпкъыр зэрыкъулейр. Тхыдэм уриплъэжмэ, я щхьэм кърикIуа гузэвэгъуэми емылъытауэ, Амман щыпсэу адыгэхэм лъэпкъ щэнхабзэ зэгухьэныгъэхэр яухуэурэ яхузэфIэкIащ ижь-ижьыж лъандэрэ нэхъыжьхэм хуэсакъыу яхъумэ хъугъуэфIыгъуэхэр нобэм къахьэсын. Апхуэдэщ 1950 гъэм къызэрагъэпэща Al Jeel Al Jadeed лъэпкъ IуэрыIуатэ зэгухьэныгъэр, Адыгэ хасэхэр. Тхыгъэм щIыгъужащ дуней псом щыпсэу лъэпкъхэм зыщатIэгъа ди адыгэ фащэхэр екIуу къызыщыпс ди щIалэ къуданхэмрэ пщащэ зэкIужхэмрэ. Апхуэдэ гулъытэр, дауи, гуапэщ икIи лъэпкъым и щхьэр лъагэу езыгъэлъагъужщ. 

ТЕКIУЖЬ Заретэ.

  • 10 просмотров

Поделиться:

ЧИТАТЬ ТАКЖЕ:

07.10.2024 - 11:09

ЛIыгъэщIапIэ

Украинэм щекIуэкI дзэ Iуэху хэхам япэ махуэхэм щегъэжьауэ хэтщ ди республикэм щыщ щIалэхэр. Абыхэм ящыщ дэтхэнэри лIыгъэ щIапIэ йохуэ, псэзэ­пылъ­хьэпIэхэм Iуоуэ, гухэщIи   ялъагъу.
07.10.2024 - 11:07

ХьэпцIейрэ Мэзкуурэ зэпызыщIа гущэхэпхэ

«Урысейм щыпсэу лъэпкъхэм я аудио-теплъэ щIэнгъуазэ», - ап­хуэдэу пхузэдзэкIынущ иджы­благъэ къэралым Лъэпкъ Iуэху­хэмкIэ и агентствэм кърихьэжьа проектыщIэм и цIэр.
07.10.2024 - 11:06

IэщIагъэм къыдит Iэмалхэр къыдогъэсэбэп

Адыгейм, Къэбэрдей-Балъкъэрым, Къэрэшей-Шэрджэ­сым ис адыгэхэм я зэпы­щIэ­ныгъэ­хэм нэхъри зригъэужьу, лъэпкъ зэкъуэтыныгъэр игъэ­быдэу, ди анэдэлъхубзэр ихъу­мэу «Адыгэ макъ», «Адыгэ пса­лъэ», «Че
07.10.2024 - 10:54

Къулыкъум пэрохьэ

Къэрал хабзэм къызэригъэувым ипкъ иткIэ, КъБР-м и Iэтащхьэу хаха КIуэкIуэ Казбек и ­къулыкъум зэ­рыпэрыувэм теухуа дауэдапщэр ­КъБР-м и Правитель­ствэм и Унэм щекIуэкIащ.
05.10.2024 - 09:03

Урысейм и Тхылъ Плъыжьым иратхащ

Жэпуэгъуэм и 4-р Псэущхьэхэр хъумэным и дунейпсо махуэщ. Ар зыхуэгъэзар дыкъэзыухъуреихь дунейм и хъугъуэфIыгъуэхэр, Iущагъэ ин тхэлърэ дысакъыу, къызэрыдгъэсэбэпыным ди гупсысэр хуэтшэнырщ.