Къабарты-Малкъарда «Саулукъ сакълау» миллет проект ишлеп башлагъанлы республиканы медицина биригиулерине онеки эндоскопия комплекс алыннганды. 
Ол санда «Саулукъ сакълауну биринчи звеносун жангыртыу» регион программаны чеклеринде Нальчикни 1-чи, 2-чи, 3-чю номерли поликлиникалары, Бахсан бла Зольск районланы ара больницалары эм РДКМЦ-ни эки бёлюмю аш орун бла чегилеге диагностика бардырырча эндоскопия керекли затла бла жалчытылыннгандыла. 
Бийик класслы оборудование аш оруннга бла чегилеге профилактика халда къараргъа эм саусузлада бир тюрлю аурууну, ол санда кёбюуню заманында эм терен тинтирге   болушурукъду.  
Республиканы онкология диспансерине эндоскопия «Онкология ауруулагъа къажаулукъ» регион программагъа кёре алыннганды. Ол эксперт класслыды эм беш тюрлю кесекден къуралады. Аладан ючюсю бронхоскопия, колоноскопия, гастроскопиядыла. Дагъыда экиси хирургияда – къарыннга этилген, урология эм гинекология бла байламлы операциялада хайырланыладыла.  
Быйыл эндоскопия комплексге энтта да гастродуоденоскоп къошулгъанды. Аны себеплиги бла аш оруннну бир-бир жерлерине, базыкъ чегиге тынгылы къараргъа эм сохранны болумун да тинтирге онг табыллыкъды.   
Эсге сала айтсакъ, сагъынылгъан оборудованияны хайырындан республикада алты мингден аслам адамгъа къаралгъанды.  

Курданланы Сулейман.