Кёп болмай КъМР-ни саулукъ сакълау министри Рустам Калибатов, жамауатны саулугъун сакълау эм медицина аналитика бла информация технологияла араланы келечилеринден къуралгъан ишчи къауум бла бирге, Чегем районну ара больницасында кенгеш бардыргъанды. Анда профилактика иш бла диспансеризация жангы излемлеге кёре тири бардырылырча соруулагъа къаралгъанды.
Бюгюнлюкде больницаны специалистлери профилактика эм диспансеризация тийишли халда къуралырча амалны жашауда бардырып башларыкъдыла. Ызы бла аны бирси медицина организацияла да хайырланыргъа керек боллукъдула.
Эсге сала айтсакъ, проектге ЦОЗМАИТ-ни специалистлери башчылыкъ этедиле. Аны чеклеринде коллегаларына эсгертиуле бередиле эм методика болушлукъ да тапдырадыла.