Республиканы узакъ эллеринде эм башха жерледе жашагъанлагъа да тийишли медицина болушлукъ тапдырылырча ПАЗ-улоуну мурдорунда медицина комплекс алыннганды. Ол цифралы маммограф эм флюорограф бла жалчытылыннганды. Кёп болмай КъМР-ни саулукъ сакълау министри Рустам Калибатов аны иши бла шагъырейленнгенди.
Мобил флюорограф-маммограф республиканы эллеринде бла шахарларында жашагъан инсанлагъа профилактика халда къарауда себеплик этерикди. Андан сора да, ыйыкъ сайын ётген «Терек бахчада саулугъунга къарат» деген акцияда да хайырланыллыкъды.
Быллай мадар этилгенини баш сылтауларындан бири къыйын аурууланы башлана тургъан кезиулеринде тинтиргеди эм адамланы саулукъларын игилендириргеди.