Тирлик жыйыу къыстау барадыЖай къызыулада сабанчылада иш къазауатды. Къабарты-Малкъарда мирзеулюк эмда къудору битимлени быйыл кёп къалмай 70 минг гектардан оруп жыяргъа мурат этиледи. Ол санда кюзлюк будайдан 39,6 минг, кюзлюк арпадан 6,4 минг, деп билдиргендиле КъМР-ни Эл мюлк министерствосундан.
Алай бла бу кюнлеге мирзеу 34,5 минг гектардан жыйылгъанды, ол а тамамланырыкъ ишни экиден бириди. Будайны бла арпаны тирликлилигини юслеринден айтханда, экисинден да бир гектардан 36 центнер алыннганды. Озгъан жылны кёрюмдюлери бла тенглешдиргенде, будайны тирликлилигине 2,8 процент къошулгъанды, арпаныкъына уа – 16,1 процент.
Саулай алып айтханда, аграрчыла будайдан 151,7 минг тонна жыяргъа таукелдиле. Ол санда аш-азыкъгъа жараулу ючюнчю эмда тёртюнчю класслыладан – 37,5 минг тонна. Тахта кёгетлени жыйыу да тири баргъанын белгилерге боллукъду. Арендаторла 3,4 минг гектардан 21,1 минг тонна жыйып бошагъандыла. Картофну уа 1,6 минг гектардан къазып, 34 минг тонна жыйгъандыла. Аны тирликлилиги бир гектардан 200 центнер болгъанды. Былтыр бла тенглешдиргенде, мында артыкъ тюрлениу жокъду.
Поделиться: ЧИТАТЬ ТАКЖЕ:
|