Налшык щаухуэ къалэ поликлиникэ №1-м лэ­жьыгъэр зэрыщекIуэ­кIым зыщигъэгъуэзащ КъБР-м и Iэтащхьэ КIуэ­кIуэ Казбек.

Проектыр ягъэзащIэ УФ-м и Президент Путин Владимир цIыхухэм япэ дэIэпыкъуныгъэхэр щыхуа­щIэ IуэхущIапIэхэр къэгъэщIэрэщIэжыным теухуа­уэ къигъэлъэгъуа пщэ­рылъхэм тету. УФ-м и Правительствэмрэ Узыншагъэр хъумэнымкIэ и министерствэмрэ я жэрдэмкIэ ар ­нэгъабэ хагъэхьауэ щытащ «ЦIыхухэм япэ медицинэ дэIэпыкъуныгъэхэр щыхуа­щIэ IуэхущIапIэхэр къэгъэ­щIэрэщIэжын» къэрал проектым. Федеральнэ бюд­жетым къыхэкIыу ухуэныгъэм хухахащ сом мелуан 706-рэ, лэжьыгъэхэр зэраубзыхуам тету йокIуэкI.
Медицинэ IуэхущIапIэм цIыху мин 80-м нэблагъэм дэIэпыкъуныгъэхэр щы­хуа­щIэ. УхуэныгъэщIэр зи пIэ иувэну поликлиникэм и унэр жьы дыдэ хъуат, узыншагъэр хъумэным- кIэ Iэ­натIэм и иджырей ­жып­хъэ­хэм хуэкIуэжыртэ-къым.
ПоликлиникэщIэм зы чэзу лэжьэгъуэм цIыху 500-м дэIэпыкъуныгъэхэр ща­гъуэтыфынущ. IуэхущIапIэм и лэжьыгъэр дохутырхэми абы къекIуалIэ цIыху­хэми я тыншыпIэм сыт и лъэныкъуэкIи хуэщIауэ щы­т­ынущ. Сымаджэхэр чэзум щызэтримыхьэу щызэб­лэ­кIыфынущ, иджырей Iэмэ­псымэщIэхэр къыщагъэ­сэбэпынущ, цIыхухэм хуа­щIэ медицинэ Iуэхутхьэ­бзэхэм я фIагъым хэ­гъэ­хъуэным я къару псори ирахьэлIэнущ.
ПоликлиникэщIэхэм хэтынущ эндоскопиемкIэ, реа­билитацэмкIэ, функциональнэ диагностикэмкIэ къудамэхэр, иджырей лабораторэ IэнатIэ. Апхуэдэу абы щылэжьэнущ амбулаторнэу онкологие дэIэпыкъу­ныгъэ щыхуащIэ центр, бзий диагностикэр щрагъэкIуэкI къудамэ, рентген, МРТ къэпщытыныгъэхэр щащI пэшхэр.