КЪЭБЭРДЕЙ-БАЛЪКЪЭР РЕСПУБЛИКЭМ И IЭТАЩХЬЭ КIУЭКIУЭ КАЗБЕК КАВКАЗ ЗАУЭМ ХЭКIУЭДА АДЫГЭХЭМ Я ФЭЕПЛЪ МАХУЭМ ИРИХЬЭЛIЭУ ЦIЫХУХЭМ ЗЭРЫЗАХУИГЪАЗЭР

22 мая, 2023 - 05:48

Си лъахэгъу лъапIэхэ!
Илъэс къэс накъыгъэм и 21-м дэ ди щыгъуэ махуэщ: Кавказ зауэм хэкIуэда Адыгэхэм я ­фэеплъ махуэщ. 
Ди щхьэр яхудогъэщхъ гущIэгъуншэ, лъы­гъажэшхуэ зауэм зи гъащIэр къызэпиуда псоми я фэеплъым.
ХIХ лIэщIыгъуэм щыIа къэрал лъэрызехьэхэм я геополитикэ зэпэщIэтыныгъэм кърикIуа Кавказ зауэм адыгэхэм хэщIыныгъэ ин къахуихьащ, ижь-ижьыж лъандэрэ я адэжь хэкур куэдым ­ябгынэн хуей хъуащ.
АрщхьэкIэ а лъэхъэнэ хьэлъэм ди япэ итахэр къызэфIигъэщIакъым. Псэбыдагъ, лIыгъэ, Iущыгъэ лъэщ зэрахэлъым и фIыгъэкIэ абыхэм яхузэфIэкIащ къелыну, тхыдэм и напэкIуэцI шынагъуэр къызэрагъэдзэкIыну, адыгэ лъэпкъым и къэкIуэнумкIэ мыхьэнэшхуэ зиIэ зэгуэр ящIа къыхэхыныгъэм хуэпэжу къэнэну. Абы и фIыгъэкIэ адыгэхэм я щIыхьыр зэтраIыгъащ, адэжь хэкум щыпсэунымрэ щыунэнымрэ щыпащащ, я бзэр, щэнхабзэр зыми хуэбгъадэ мыхъун зэхэтыкIэмрэ хабзэмрэ яхъумэжыфащ икIи нобэ я къэкIуэнур ирагъэфIакIуэ, ди къэрал иным и лъэпкъ куэду зэхэт унагъуэм щыщу.
Си фIэщ мэхъу: ди адэжьхэм я уэсятхэр ди щIэгъэкъуэну, я зэкъуэтыныгъэмрэ Хэкум зэры­хуэпэжамрэ ди щапхъэу дэ къызэднэкIыфынущ зэманым къытхуигъэув гугъуехьхэр, нобэрей цIыхухэмрэ къытщIэхъуэ щIэблэмрэ я зэIузэ­пэщыныгъэр зэгъэхъулIэнымкIэ ди мурадхэр зэдгъэхъулIэфынущ.
Къэбэрдей-Балъкъэрым и цIыху псоми сы­нывохъуэхъу узыншагъэ быдэ, мамырыгъэ, насып, гукъыдэж фиIэну, фIы псори къывэ­хъулIэну.

Сурэтыр  Къарей  Элинэ  трихащ.

  • 65 просмотров

Поделиться:

ЧИТАТЬ ТАКЖЕ:

12.02.2026 - 09:03

Хэкум и хъумакIуэхэм я фэеплъ пхъэбгъухэр

Дзэлыкъуэ щIыналъэм и къуажэ курыт еджапIэхэм фэеплъ пхъэбгъухэр щыхуфIадзащ Хэкум и хъума­кIуэхэм.
12.02.2026 - 09:03

ДыщогуфIыкI икIи дрогушхуэ

Къэбэрдей-Балъкъэрым СпортымкIэ и ми­нистерствэм блыщхьэ кIуам щрагъэблэгъащ Ярыгин Иван и Кубокыр къэхьыным хуэунэтIауэ Красноярск къалэм щекIуэкIа зэ­хьэзэхуэм къыщыхэжаныкIа, килограмм 74-рэ зи

12.02.2026 - 09:03

ТекIуэныгъэ инхэм я лIыхъужьхэр

СурэтыщI гъуазджэмкIэ музейм, Ткаченкэ Андрей и цIэр зезыхьэм, гъэлъэ­гъуэ­ныгъэ гъэ­щIэ­гъуэн къы­щы­зэIуахащ, «Героям вели­ких побед посвящается» ­фIащауэ.
11.02.2026 - 12:25

«Си лъахэ - Къэбэрдей-Балъкъэр» фестивалым

КъБР-м и Музыкэ къэрал театрым мазаем и 8-м щекIуэкIащ «Си лъахэ - Къэбэрдей-Балъкъэр» республикэ фестиваль-еп­лъы­ныгъэр зэрызэхуащIыж концертыр.
11.02.2026 - 09:03

ЩIыналъэхэм щыIэ псэукIэм теухуауэ

Правительствэм и Унэм щекIуэкIащ «КъБР-м и муниципалитетхэм я зэгухьэныгъэм» и советым и зэIущIэ. Ар иригъэкIуэкIащ зэгухьэныгъэм и правленэм и унафэщI Пэнагуэ Максим.