Къабарты-Малкъар Республиканы Башчысы Казбек Коков КъМР-ни жарыкъландырыу эм илму министри Анзор Езаов эмда КъМР-ни жаш тёлюню ишлери жаны бла министри Азамат Люев бла тюбешгенди. Ала аскер-патриот юйретиу жаны бла сорууланы сюзгендиле. 
Регионну таматасы бюгюнлюкде бу ыз къыралны энчи эс бурууун излегенин белгилегенди. Кенгешни чегинде министрле республиканы школчуларыны эм жаш тёлюсюню арасында бардырылгъан ишни юсюнден айтхандыла.
Казбек Коков бу соруугъа энчи къарап, аны шёндюгю заманны сурамларына кёре къураргъа тийишлилигин чертгенди – кадрланы, ишни методикасын хазырларгъа, ведомствола аралы байламлыкъланы жалчытыргъа. Республиканы оноучусу битеу болгъан къолайлыкъны хайырланыргъа эмда ол ишни республикада тап халда бардырыргъа онг берген аскер-патриот юйретиуню низамын къурау жаны бла проект предложенияланы кёргюзтюрге буюргъанды.  

КъМР-ни Башчысыны бла 
Правительствосуну пресс-службасы.