ЗЭРЫЗЫХУАГЪАЗЭМ КЪЫЩЫГЪЭЛЪЭГЪУАХЭМ ХОПЛЪЭ

КъБР-м и Парламентым и УнафэщI Егоровэ Татьянэ иригъэкIуэкIащ республикэм и ­хабзэубзыху орган нэхъыщ-хьэм и Президиумым хэтхэм я зэIущIэ. Депутатхэм яубзыхуащ КъБР-м и Iэтащхьэ КIуэкIуэ Казбек Парламентым Зэрызы­хуи­гъэзам къыщыгъэлъэгъуа Iуэхугъуэхэр зи лъабжьэ, зэ­рылэжьэну планыр. 

КъБР-м и Парламентым Къэп­щытэныгъэмрэ регламентымкIэ и комитетым и унафэщI Кан­саевэ Еленэ къызэрыхигъэщамкIэ, планыр Зэрызыхуагъазэм къы­щыхьа Iуэхугъуэ нэхъыщ­хьэхэм ятещIыхьауэ зэхалъхьащ, ар пункт 25-рэ мэхъу. Псалъэм папщIэ, абы хэтщ законхэм я ­проект зыбжанэ зэрагъэхьэзы­рынур, «правительствэ сыхьэт», «комитетым и сыхьэт» зэIущIэхэр, «стIол хъурейхэр», комитетхэм я зэхуэс къызэрыгуэкI­хэмрэ щIыналъэхэм щрагъэ­кIуэкIхэмрэ, нэгъуэщIхэри. 
- Планым хэдгъэхьа дэтхэнэ Iуэхугъуэри и чэзум зыхуей хуэ-зэу зэфIэгъэкIын хуейщ, - къы­хигъэщащ Егоровэ Татьянэ. - ­КъБР-м и Парламентым и ко­митетхэм я пщэ итлъхьащ гъат-хэ, бжьыхьэ зэхуэсыгъуэхэм я кIэухым Планым щыгъэбелджыла Iуэхугъуэхэр зэрагъэ­зэщIам теухуа дэфтэр хабзэубзыху орган нэхъыщхьэм и унафэщIым и пащхьэ иралъхьэн хуейуэ. 
Депутатхэм унафэ ящIащ къыкIэлъыкIуэ зэхуэсыгъуэр 2023 гъэм накъыгъэм и 25-м трагъэхуэну.
КъищынэмыщIауэ, парламентархэр тепсэлъыхьащ фе­деральнэ закон зыбжанэм я ­проектхэм, хабзэубзыху жэрдэмхэм, УФ-м и нэгъуэщI                        хэгъэгу­хэм къикIа зэрызыхуа­гъазэхэм. 
Япэ ирагъэщри, депутатхэм занщIэу зэпкърахащ Iуэхугъуэ зыбжанэ. Абыхэм ящыщщ банкым щIыхуэ къеIызыххэм щIэпхъаджащIэхэр зэран къахуэмыхъун папщIэ щыIэ хэкIыпIэхэр, дзэ Iуэху хэхам щыIэхэм Урысей Федерацэм и цIыхуу зэрыщытым щыхьэт техъуэ я паспортхэр щызэрахъуэкIын хуей пIалъэр хуэгъэкIуэтэныр, зыми и нэIэ щIэмыт псэущхьэхэм ятеухуа федеральнэ унафэм зэхъуэкIыныгъэ хэлъхьэныр.
Мэкъумэш IуэхухэмкIэ, щIыр къызэрагъэсэбэпымкIэ, эколо­гием­кIэ, дыкъэзыухъуреихь дунейр хъумэнымкIэ комитетым и уна­фэщI ТекIушэ Артур къызэхуэсахэр щигъэгъуэзащ 2022 гъэм республикэм гъавэр къызэрыщ­рахьэлIэжам, бжьыхьэ губгъуэ лэжьыгъэхэр зэрекIуэкIам, ахэр КъБР-м и Парламентым и Президиумым ищIа унафэм тету зэрагъэзэщIам. 

 

КъБР-м и Парламентым и пресс-IуэхущIапIэ.

Поделиться:

ЧИТАТЬ ТАКЖЕ:

29.03.2024 - 17:28

ХАМЭ КЪЭРАЛХЭМ ЗЭРАДЭЛАЖЬЭМ ФЕЙДЭ КЪЫПОКIУЭ

Хамэ къэралхэм ящыщу Къэбэрдей-Балъкъэрым сату нэхъыбэу зыдищIыр СНГ-м хэтхэращ икIи иужьрей илъэситIым къриубыдэу республикэм зэригъэкIуэкIа продукцэм и куэдагъым процент 25-кIэ хигъэхъуащ, жиIащ

29.03.2024 - 17:23

ЗЫУЖЬЫНЫГЪЭМ И ЛЪАГЪУЭМ ИРОКIУЭ

КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи з

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.