ЭЛЛИ ЖАШ АДАМЛАНЫ КЪАЙГЪЫСЫН КЁРЕ

«Спортмастер тёлю» деген  проектни чеклеринде бу кюнледе Зольск районда спорт-айнытыу майдан къууанчлы халда ачылгъанды. Сабийлеге эмда жаш адамлагъа деп, аллай майданла республиканы дагъыда беш  районунда   къуралгъандыла.

Майданны ачаргъа деп, Зольск районнга  проектни башчысы Сергей Дроздов  да келгенди.

«Бу майданла сизге  саулукълу, гиртчиле, къарыулула   болуп ёсерге себеплик этериклерине ийнанама. Майданны не къадар толу  хайырланыгъыз. Сиз бизни  деменгили Ата журтубузну эмда кесигизни республикагъызны  чынтды патриотлары болуругъузгъа ишегим жокъду»,- дегенди  проектни башчысы, ары келген жашланы бла къызланы аллында сёлеше.  

Андан сора да Сергей Борисович, арт он жылны ичинде  бизни къыралны кёп регионларында быллай  900 майдан ишленип, хайырланылыргъа берилгенин да белгилегенди. 

Майданны ачыугъа жораланнган къууанчлы жыйылыугъа Къабарты-Малкъар Республиканы жаш тёлюню ишлери жаны бла министри Азамат Люев, Зольск районну администрациясыны оноучулары, эллиле, жаш спортсменле, мектеплени окъуучулары, «Россейни орамлары» жамауат организацияны   къымылдауну регион бёлюмюню келечилери  да келген  эдиле. 

Ызы бла  жаш  спортсменле  ары келгенлени  спортну кёп тюрлюлеринде аламат  усталыкълары бла  сейирсиндиргендиле. Артда уа жашла бла къызла араларында спортну бир къауум  тюрлюлеринден эришиуле да къурагъандыла. Хорлам болдургъанлагъа эмда экинчи, ючюнчю жерлеге тийишли болгъанлагъа багъалы саугъала да жетгендиле.  

«Спортмастер тёлю» деген майдан  КъМР-ни Башчысы Казбек Коковну  буйругъу бла эл жерледе жашагъан жаш тёлюню айнытыу халда  Зольск муниципал районну  администрациясыны эмда КъМР-ни Жаш тёлюню ишлери жаны бла министерствосуну себепликлери бла къуралгъанды.

Холаланы Марзият.

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.