Новочеркасск шахарны Буз мекямында дзюдодан, Г.П. Недвигинни хурметине аталып, «А» класслы XX битеукъырал эришиу бардырылгъанды. Анда майдалла эм Россейни чемпионатына къатышыр ючюн, 17 региондан 180-ден аслам дзюдочу кюрешгендиле. Бизни республикадан доммакъ майдалланы Гуппойланы Алина бла Джамбулат Кушхов къытхандыла. Алина, 52 килограмм ауурлукъ къауумда тутуша, юч тюбешиу бардыргъанды, аладан экисинде къытханды.Финал ючюн сермеши 12 минутха дери созулгъанды, алай судьяла, жалгъан оноу чыгъарып, хорламны къаршчы спортчугъа бергендиле. Алинаны тренерле Олег Саральпов бла Мухамед Боготов юйретедиле. Экинчи «доммакъны» 90 килограмм ауурлукъда эришген Джамбулат Кушхов келтиргенди.