СПОРТЫР НАРКОТИКЫМ ПЭЩIЭТЩ

«Ажалыр щащэр къыджеIэ»  урысейпсо Iуэхум  хыхьэу  Прохладнэ районым и Екатериноградскэ станицэм   кекусинкай каратэмкIэ зэпеуэ щекIуэкIащ,   «Спортыр наркотикым пэщIэтщ!» къыхуеджэныгъэм щIэту.  Абы хэтащ   илъэси 6 - 15 ныбжьым ит, Прохладнэ къалэмрэ Прохладнэ районымрэ, апхуэдэуи Осетие Ищхъэрэ - Алание Республикэм я спортсмен ныбжьыщIи 100-м нэблагъэ.

Зэхьэзэхуэр къыщызэIуахым утыкум къихьэнухэм захуигъэзащ КъБР-м щыIэ МВД-м Наркотикыр зэрызэрагъэкIуэкIым кIэлъыплъынымкIэ и управленэм и оперуполномоченнэ нэхъыжь, полицэм и подполковник Давыдовэ  Иринэ.

- Дэтхэнэми текIуэныгъэ зыIэрывгъэхьэмэ ди гуапэщ, ауэ спортым фыдехьэхри ар нэхъыщхьэщ. Дэ, балигъхэр, дрогушхуэ   гъащIэ узыншэ езыхьэкI, гъэсэныгъэ зыхэлъ, акъылыфIэ сабийхэм. ЕхъулIэныгъэ фиIэну сынывохъуэхъу, - къыхигъэщащ абы.

Абы и фIэхъус псалъэхэм къыпащащ, спортсмен ныбжьыщIэхэм наркотикхэм зыщадзыну, я зэфIэкIыр утыкум зэIухауэ    щагъэлъэгъуэну  къыхураджащ    УНК-м и  къудамэм и унафэщIым и къуэдзэ      Алибутаев Роман, Прохладнэ щIыналъэм и хэхакIуэ комиссэм и унафэщI   ЛутI Алий,  турнирым и къызэгъэпэщакIуэ, «Колос» спорт школым и директор Къудей Залым, апхуэдэуи  Урысей МВД-м и  Прохладнэ къудамэм дэлажьэ Жылагъуэ советым и тхьэмадэ    Клюй Андрей.

Спортсмен ныбжьыщIэхэм екIуу зыкъагъэлъэгъуащ, къызэхуэсахэр зэхьэзэхуэхэм     длихьэхыу еплъащ.      

Зэпеуэм щытекIуахэм кубок, медалхэмрэ  щIыхь тхылъхэмрэ иратащ.                                                

БАХЪСЭН Азэмэт.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)