ПЩАЩЭХЭР ЗЭПОУЭ

КъБКъУ-м, Сокуров Александр и киноконцерт залым, щекIуэкIащ «Мисс КБГУ»  зэпеуэр.

Студент нэхъ дахэр, акъылыфIэр, зэфIэкI зиIэр къыщыхах зэхьэзэхуэм я зэфIэкI щеплъыжащ пщащибл.

КъБКъУ-м щIалэгъуалэ политикэмрэ гъэсэныгъэ лэжьыгъэхэмкIэ и управленэм зэпеуэм и программэр щIэщыгъуэу къызэригъэпэщащ.

КъэпщытакIуэ гупым хэтащ «PodiumNalchik» модельнэ агентствэм и унафэщI Мэкъуауэ ФатIимэ, КъБР-м и Музыкэ театрым и уэрэджыIакIуэ, актёр Теунэ Джэмал, видеограф Майрамуков Джамиль, блогер Тэрчокъуэ Аслъэн, КъБКъУ-м щеджэхэм я япэ профсоюз IуэхущIапIэм и унафэщI Бозий Ислъам.

Зэпеуэм хэтахэу КъБКъУ-м и педколледжым и студент Мамбэт Рузанэ, ДизайнымкIэ колледжым щIэс Бичекуловэ Миленэ, социально-гуманитарнэ институтым щеджэ Абдуллаевэ Замирэ, бжыгъэ технологиехэмкIэ институтым щIэс Мэт Саният, экономикэмрэ финансхэмкIэ институтым щIэс Хьэжнэгъуей Фаинэ, педагогикэмкIэ, психологиемрэ физкультурно-спорт егъэджэныгъэмкIэ институтым щеджэ Жангуразовэ Лейлэ, социльно-гуманитарнэ институтым щIэс Шурышкинэ Теодорэ сымэ къафэм, уэрэд жыIэным, пщафIэм, тхыдэм щаIэ зэфIэкIхэр къагъэнэIуащ. КъищынэмыщIауэ, я акъыл жанагъыр къыщагъэлъэгъуащ цIыху цIэрыIуэхэм, макъамэм, нэгъуэщIхэм теухуа упщIэ-жэуап щIыкIэм тет джэгум.

Зэхьэзэхуэм зыкърезыгъэхьэлIахэм Iэ яIэтащ ягу нэхъ дыхьа студентым папщIэ. «Мистер КБГУ 2022» зэпеуэм хэтахэм я гъусэу, хъыджэбзхэр къэфащ. IэIэтым кърикIуахэр зэхалъхьэжа нэужь, «Мисс КБГУ» зэпеуэм щытекIуауэ къалъытащ Шурышкинэ Теодорэ. Вице-мисс хъуар Хьэжнэгъуей Фаинэщ. Къызэхуэсахэм нэхъ ягу дыхьар Абдуллаевэ Замирэщ.

Зэпеуэ нэужьым хъыджэбзхэм утыкум щагъэлъэгъуащ «Nalmen» тыкуэным и фэилъхьэгъуэхэр.

ТЕКIУЖЬ Заретэ.

Поделиться:

ЧИТАТЬ ТАКЖЕ:

29.03.2024 - 17:28

ХАМЭ КЪЭРАЛХЭМ ЗЭРАДЭЛАЖЬЭМ ФЕЙДЭ КЪЫПОКIУЭ

Хамэ къэралхэм ящыщу Къэбэрдей-Балъкъэрым сату нэхъыбэу зыдищIыр СНГ-м хэтхэращ икIи иужьрей илъэситIым къриубыдэу республикэм зэригъэкIуэкIа продукцэм и куэдагъым процент 25-кIэ хигъэхъуащ, жиIащ

29.03.2024 - 17:23

ЗЫУЖЬЫНЫГЪЭМ И ЛЪАГЪУЭМ ИРОКIУЭ

КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи з

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.