|
ЩIэблэр яущий
12 марта, 2023 - 06:25
Къэбэрдей-Балъкъэрым щекIуэкI «Ди сабийхэм я узыншагъэмрэ шынагъуэншагъэмрэ папщIэ» мазэ лэжьыгъэр иухащ. А зэманым къриубыдэу абы хэтащ класс нэхъыжьхэм щIэс 7000-м щIигъу.
КъБР-м щыIэ МВД-м Наркотикхэр зэрызэрагъакIуэм кIэлъыплъынымкIэ и управленэмрэ Налшык къалэм и УМВД-м балигъ мыхъуахэм я IуэхухэмкIэ и IэнатIэхэмрэ, Налшык къалэ администрацэм ЕгъэджэныгъэмкIэ и департаментымрэ ЩIалэгъуалэм я IуэхухэмкIэ и управленэмрэ республикэм Узыншагъэр хъумэнымкIэ и министерствэм и Наркологие диспансерымрэ ящIыгъуу, Налшык дэт курыт еджапIэ №№ 21, 33-хэмрэ «Успех» егъэджэныгъэмкIэ центрымрэ адэ-анэхэмрэ школакIуэхэмрэ я зэхуэсхэр щрагъэкIуэкIащ акцэм ипкъ иткIэ. Зэпкърыхауэ абыхэм щытепсэлъыхьащ наркотикхэкI-хэр, акъылыр зыгъэутхъуэ пкъыгъуэхэр игъэкIыным зэрыпэщIэтыпхъэм, терроризмэмрэ экстремизмэмрэ, балигъ мыхъуахэр хабзэншагъэ Iуэхухэм хашэныр къэбгъэхъу зэрымыхъунум.
Iуэхухэм хэтащ КъБР-м щыIэ МВД-м и Жылагъуэ советым хэт, Налшык къалэ округым и благочиннэ протоиерей Бобылёв Валентин, щэнхабзэмрэ гъуазджэмрэ я лэжьакIуэ, спортсмен, тренер цIэрыIуэхэр, республикэм и жылагъуэ зэгухьэныгъэхэм я лIыкIуэхэр. ЗэIущIэхэм щытепсэлъыхьащ къытщIэхъуэ щIэблэр хэкупсэу гъэсэным, къагъэлъэгъуащ Хэкум хуэпэжыным теухуа документальнэ фильмхэр. Езы школакIуэхэр жыджэру хэтащ къаIэта Iуэхухэм.
АдэкIэ хьэщIэхэм школакIуэхэм ягу къагъэкIыжащ наркотикхэкIхэмрэ акъылыр зыгъэутхъуэ пкъыгъуэхэмрэ игъэкIыным административнэ, уголовнэ Iуэхум узэрыхуишэр, зэпкърыхауэ тепсэлъыхьащ апхуэдэ пкъыгъуэхэр Iэпкълъэпкъым зэрегуауэм, гулъытэншэу къэнакъым фадэмрэ тутынымрэ япылъ зэраныгъэри.
УАРДЭ Жантинэ.
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|
27.03.2024 - 13:58 Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I |
|
27.03.2024 - 12:25 Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх |
|
27.03.2024 - 09:03 (ГъащIэ теплъэгъуэ) |
|