Тырныауузну шахта ишлеучю управлениясыны директору Мызыланы Мухтарны хурметине аталып, жыл сайын гитче-футболдан тёрели эришиу бардырылады. Быйыл ол тогъузунчу кере ётдюрюлгенди. Аны чегинде Тырныауузну В.А. Губанов атлы спорт-саулукъ кючлеу комплексинде къырал учрежденияладан, Элбрус районну эллеринден онеки команда ойнагъандыла.

Эки ыйыкъдан кёпге созулгъан матчланы эсеплерине кёре биринчи жерни «Терскъол» команда алгъанды, экинчиге – «Бедык», ючюнчюге уа – «Эльбрус» чыкъгъандыла. Алагъа районну физкульутра эм спорт комитетинден майдалла кубокла, грамотала эм ахча саугъала берилгендиле, эм иги ойнагъанла энчи белгиленнгендиле.

Кульчаланы Зульфия.