ЩIЭДЗАПIЭ ЗИIЭМ КIУАПIЭХЭР КЪИГЪУЭТЫНУЩ

Налшык къалэм дэт, дзюдо бэнэкIэ лIэужьыгъуэм щыхуагъасэ «Локомотив» спорт IуэхущIапIэм иджыблагъэ «Япэ итхэм я зэщIэхъееныгъэм» и щIыпIэ къудамэр къыщызэIуахащ, абы ехьэлIа гуфIэгъуэ зэIущIэшхуи щекIуэкIащ.
Сабийхэмрэ ныбжьыщIэхэмрэ я урысейпсо зэгухьэныгъэм и щIыналъэ къудамэм и лэжьыгъэм Къэбэрдей-Балъкъэрым лэжьэн зэрыщригъажьэрэ куэд щIакъым, ауэ абы хузэфIэкIащ зыщищIыж къалэнхэмрэ зыхуигъэувыж мурадхэмкIэ егъэджэныгъэ IэнатIэмрэ гъэсэныгъэ лэжьыгъэмрэ пэрыт IуэхущIапIэхэр къыдихьэхын, абыхэм екIуалIэ щIалэгъуалэр къигъэдэIуэн. ИпэжыпIэкIэ жыпIэмэ, къэунэхуагъащIэ зэщIэхъееныгъэм Iэджэ муради иIэщ, щIалэгъуалэм я хъуэпсапIэхэр зэщIа хъуным хуэгъэпсауэ. Арагъэнущ абы ич япэ лъэбакъуэхэр цIыхум щIыдаIыгъыр.
КъэкIуэнум ират мыхьэнэр зыхыумыщIэнкIэ Iэмал имыIэу, гуфIэгъуэ зэхуэсым цIыхушхуэ къекIуэлIащ. Апхуэдэу абы кърихьэлIащ КъБР-м и Парламентым и УнафэщIым и къуэдзэ Къардэн Мурат, КъБР-м спортымкIэ и министрым и къуэдзэ Хэжь Заур, КъБР-м щIалэгъуалэм я IуэхухэмкIэ и министрым и къуэдзэ Ахметов Артур, Сабийхэмрэ ныбжьыщIэхэмрэ я «Япэ итхэм я зэщIэхъееныгъэ» урысейпсо зэгухьэныгъэм и щIыналъэ къудамэм и унафэщI Шыпш Аслъэн, егъэджакIуэхэмрэ гъэсакIуэхэмрэ, еджакIуэхэмрэ абыхэм я адэ-анэхэмрэ.
ФIэхъус псалъэкIэ Iуэхугъуэ дахэр къызэIузыха Къардэн Мурат къызэрыхигъэщамкIэ, щIалэгъуалэм я хъуэпсапIэхэрщ дунейр ипэкIэ зыгъэкIуатэр, абы къыхалъхьэ жэрдэмхэрщ зыужьыныгъэр къызыдэкIуэр. «Мы махуэхэм ди щIыналъэм
- Япэ итхэм я зэщIэхъееныгъэм» и къудамэхэр щIыпIэ-щIыпIэкIэрэ къызэрыщызэIуахым дрищыхьэтщ. ЩIалэгъуалэр зэкъуэувэну, зэзышалIэ гуращэхэмкIэ зэлъэIэсу щытыну зэрыхуейм и шэсыпIэщ апхуэдиз зэхыхьэр. «Локомотив» спорт IуэхущIапIэми апхуэдэ зы къудамэ къыщызэрагъэпэщ, абы лъагъуэхэш хуэхъуахэм лэжьыгъэшхуэ къазэрыпэщылъыр, зыIуува IэнатIэмкIэ жэуап зэрахьыр къагурыIуэу. Спортым дихьэх ныбжьыщIэхэр зэщIэхъееныгъэм щIыхыхьэр щыпсэу къэралыр фIы хуэзэным, абы къыщыхъуну щIэблэхэм я хъуэпсапIэхэр щызащIэ IуэхузехьапIэхэмрэ IэнатIэхэмрэ щыIэным зэрыщIэхъуэпсырщ. Спортым хыхьэр сыт хуэдэ Iуэхуми пашэу щыщытыну, псоми ятекIуэну хуейщ. Апхуэдэ гуращэ уимыIэмэ, абы щыпщIэн щыIэкъым. «Локомотив» спорт IуэхущIапIэм дзюдо бэнэкIэ лIэужьыгъуэм дихьэх ныбжьыщIэхэр зэрегъэубыд, зы мурадым хуегъэлажьэ. Мыбдеж къыщыунэху зэгухьэныгъэм, сэ абы зы шэч къытесхьэркъым, Къэбэрдей-Балъкъэрри къэралри зыщыгуфIыкIын, ину щIэгушхуэн Iэджи кърикIуэнущ. Мы IуэхущIапIэм къекIуалIэ щIалэгъуалэр ерыщщ, зыхуагъэувыжа мурадхэм шэщIауэ толажьэри, ар къазэрыдэхъунум пцIы хэлъкъым. ЗэщIэхъееныгъэм ахэр нэгъуэщI зы Iуэху дахэми хуиущиинущ. ЩIалэгъуалэм къалэн зыхуигъэувыжу игъэсэным къыдэкIуэу, абыхэм гупсэхуу ирипсалъэу, ахэр зэпишачэу, къэув лъэпощхьэпохэм къазэрыпекIуэкIын Iэмалхэр къызэдалъыхъуэу, нэхъыфI зэрыхъунум и хэкIыпIэхэр къызэдагъуэту есэныгъэхэр яритынущ. ЖыпIэнурамэ, гъащIэм и дерсхэм щIэдэIунущ. Сыт щыгъуи ипэ фитыну, лъэпкъ щIыхьыр лъагэу фIэту фыкъэгъуэгурыкIуэну си гуапэщ, – жиIащ Къардэн Мурат.
АдэкIэ псалъэм къыпызыща Шыпш Аслъэн къыхигъэщащ къэралым щекIуэкI Iуэхугъуэр дэзыIыгъхэм я бжыгъэм зэрыхэхъуэр, абы ущымыгуфIыкIынкIэ Iэмал зэримыIэр.
- Зыгуэрым димыхьэх, а дэзыхьэхыр къехъулIэн папщIэ Iуэхугъуэ пыухыкIахэр зэфIэзымых щыIэу къыщIэкIынкъым. Мы зэщIэхъееныгъэм ди щIыналъэм зыщегъэужьын хуейщ, абы и унафэр уи пщэм дыдолъхьэ, жаIэу къыщызбгъэдалъхьэм, пэж дыдэу, сызэгупсысар ди щIалэгъуалэращ. Къызыхуэт щымыIэу щIэблэ дахэ диIэщ, ар унэтIын, и гукъэкIхэр дэIыгъын, гъуэгу захуэ тегъэувэн хуейуэ ара къудейщ. Iэмал щыIэнумэ, абы щIэгъэкъуэн хуэхъун къыкъуэкIынумэ, сыт щхьэкIэ тлъэкIынум деплъын хуэмейрэ, жысIащ. Аращ сытезыгъэгушхуар. Сэ си фIэщ мэхъу щIыпIэ-щIыпIэкIэрэ щызэхаша мыпхуэдэ къудамэхэм узэрыгушхуэ хъуну лэжьыгъэ пыухыкIахэр зэрызэфIахынур, ахэр жылагъуэм дежкIэ пщIэ зиIэ щIэдзапIэу зэрыщытынур. ЩIэдзапIэ зиIэм кIуапIэхэр къигъуэтынущ. Еджэныгъэми, щIэныгъэми, щэнхабзэми, спортми ехьэлIауэ ди сабийхэмрэ ныбжьыщIэхэмрэ яIэ пэхуэщIэхэр (проектхэм) зэрыдгъэзэщIэнум иужь дитынущ, ауэ щыхъукIи дызэрыщIэу, дызэлъэIэсу, зыр зым игъэгушхуэу. Мызэ-мытIэу зэрыжысIащи, сыт щыгъуи гугъущ ипэ уитыну, уи гупсысэрэ Iуэху еплъыкIэрэ псом япэ утыкум къипхьэну. Ауэ цIыхубэм ягу къинэри, гунэс ящыхъури япэ кърахьа гупсысэрщ. Мы лъэхъэнэм иужь дитщ къэралым къыщыхалъхьэ сабий икIи ныбжьыщIэ пэхуэщIэхэм ди щIалэгъуалэр хэтшэным, абыкIэ псоми зэхуэдэ Iэмал яIэным. Дыхуейщ щIэблэм гукъэкI зыхуищI, и гуащIэр ирихьэлIэурэ зэхигъэувэ пэхуэщIэ гъэщIэгъуэнхэр езыхэм утыку кърахьэфу, ахэр зэрыIэмалыншэр ди фIэщ ящIрэ пхагъэкIыфу зэфIэкI яIэну. Аращ «Япэ итхэм я зэщIэхъееныгъэ» урысейпсо зэгухьэныгъэри, абы и щIыналъэ къудамэхэри зыхущIэкъунур. Узэкъуэтмэ, улъэщщ, жаIащ ди нэхъыжьхэм. ИтIанэщ дызыхуейхэр къыщыдэхъулIэнур, – жиIащ Шыпш Аслъэн.
ЗэIущIэм мыхьэнэшхуэ зэриIэр, ар щIызэхаша щхьэусыгъуэм жылагъуэ гулъытэ зэригъуэтым хуэдэу, къэралри щIэгъэкъуэн къызэрыхуэхъунур жаIащ КъБР-м спортымкIэ и министрым и къуэдзэ Хэжь Зауррэ КъБР-м щIалэгъуалэм я IуэхухэмкIэ и министрым и къуэдзэ Ахметов Артуррэ.

ШУРДЫМ Динэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)