|
|
ИГЪАЩIЭКIЭ ТIОРЫСЭ ХЪУНУКЪЫМ
1 марта, 2023 - 06:03
Китайм къыщагупсысащ игъащIэкIэ узрикъу сабын. Пэжщ, ар жырым къыхэщIыкIащ икIи игъэкIуэдыр фIейракъым, атIэ мэрщ. Сабыныр къахуэсэбэпыну жаIэ мэ гурымыхь кIуэдыгъуейхэм зэпымыууэ хэтхэм. Псалъэм папщIэ, бжьыныхумэр зэуэзэпсэу егъэкIуэдыф.
Израилым къыщагупсысащ хьэуам псы къыхэзыш Iэмэпсымэ. Iэмэпсымэм и фIыгъэкIэ, хьэуа щыIэхуи псыи щыIэнущ. ЩIэныгъэлIхэм къагупсыса Iэмэпсымэм хьэуар щIыIэ ищIурэ кърехуэкI, апщIондэхункIэ игъэкъабзэурэ и псыIагъэр къыщIеш. Хэт емыфэнрэт хьэуам къабзэу къыщIакъузыкIа псы!
Батарейхэр куэду къыдогъэсэбэп. Урысей щIэныгъэлIхэм къагупсысащ зэ къагъэсэбэпа ядернэ гъэсыныпхъэр аргуэру къызэрагъэсэбэпыж Iэмал гъэщIэгъуэн. Абыхэм зэрагъэпэщащ радиацэм и зэраныр зыгъэкIуэдыф икIи абы электричествэ къару езытыф наноналмэс IэрыщI. Ар зи къарур зэи имыух батарейкэ пэлъытэщ. Илъэс мин 28-кIэ лэжьэфынущ Iэмэпсымэр.
Америкэм къыщагупсысащ зи пIалъэр имыух флешкэхэр. Ар градус мин хъу температурэм, псыIагъэм, Iумылым пэлъэщ кварц абджым къыхэщIыкIащ. Пэжщ, флешкэм зэ фIэкIа требгъатхэIа хъуркъым. Абы къыхэкIыу, флешкэ лъапIэр хъыбар къызэрыгуэкIкIэ умыгъэкIуэдмэ нэхъыфIщ. Абы тетыпхъэр игъащIэкIэ зепхьэну узыхуей дэфтэрщ.
ГЪУЭТ Синэ.
 |
|
16.05.2026 - 09:03 КъБР-м щыIэ МВД-м къыщапщытэжащ «Ажалыр щащэр къыджеIэ» наркотикым пэщIэт урысейпсо акцэм и япэ Iыхьэм кърикIуахэр. |
 |
|
16.05.2026 - 09:03 ЩоджэнцIыкIу Алий и цIэр зезыхьэ Къэбэрдей къэрал драмэ театрым накъыгъэм и 14-м щекIуэкIащ адыгэ цIыхубэ уэрэдыжьхэм я фестиваль-зэпеуэ, КъБР-м и цIыхубэ артист, Адыгэ Республикэм щэнхабзэмкIэ щIы |
 |
|
15.05.2026 - 15:02 УсакIуэ, зэдзэкIакIуэ, Къэбэрдей-Балъкъэрым и цIыхубэ тхакIуэ, щэнхабзэмкIэ щIыхь зиIэ и лэжьакIуэ Елгъэр Кашиф Мысост и къуэм и фэеплъ пхъэбгъу ар щыпсэуа, Лениным и цIэр зезыхьэ уэрамым тет 42 |
 |
|
15.05.2026 - 09:03 Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым и бжэхэр махуитIкIэ яхузэIуихащ школыр мы гъэм къэзыух ныбжьыщIэхэм. |
 |
|
15.05.2026 - 09:03 ООН-м къызэригъэпэщ «Мамырыгъэм и жьэгу» джэгукIэм тращIыкIауэ Кавказ Ищхъэрэм щрагъэкIуэкI зэхыхьэр иджыблагъэ ди республикэм щызэхашащ. |
|
