Бахъсэн щIыналъэм щыщу дзэ къулыкъум ираджэжахэм яхэхуа ди щIалэхэм зыхуей-зыхуэфIхэмкIэ зыщIагъа­къуэ. Апхуэдэ дэIэпыкъуныгъэр къызэрагъэпэщащ къуа­жэ­дэс­хэм, еджапIэхэм щIэс­хэм, жылагъуэ зэгухьэ­ны­гъэхэм хэтхэм.

Бахъсэн щIыналъэ администрацэм и унафэщI Балъкъыз Артур дзэ къулыкъур езыхьэкI ди щIалэхэм яхуэза нэужь, абыхэм хузэхуахьэсащ хущ­хъуэхэр, щыгъынхэр, зэрызагъэхуабэ Iэмэпсымэхэр, ерыскъыпхъэхэр. Ахэр Ислъэмей, Зеикъуэ къуажэхэм дэсхэм ­зэхалъхьа ахъшэмкIэ къащэ­-хуа УАЗ-454 санитар маши­нэмкIэ ирагъэшащ. Апхуэдэу, щIалэхэм, дауи, я гуапэ хъунущ школакIуэхэм абыхэм зэры­зыхуагъазэ тхыгъэхэр зэрыхуа­гъэхьари.
КъБР-м и Iэтащхьэм щIыналъэхэм я унафэщIхэм пщэрылъ зэращищIам ипкъ иткIэ, ап­хуэдэ дэIэпыкъуныгъэхэм дя­пэкIи пащэнущ.

УЭРКЪ Жыраслъэн.