СОВЕТ АСКЕРЧИЛЕНИ ЭСГЕРГЕНДИЛЕ, ГЮЛЛЕ САЛГЪАНДЫЛАРосгвардияны Къабарты-Малкъарда Управлениясыны келечилери Терк районда Курп бийикликлеге чыгъыугъа къатышхандыла. Бу иш регионну немисли ууучлаучуладан эркин этилгенини 80-жыллыгъына жораланнганды. Жыйылыу Огъары Курп элде къызыл аскерчилени мемориалыны къатында митинг ётгенди. Анга ветеранла, регионда ДОСААФ-ны келечилери, Терк районну администрациясыны къуллукъчулары, аскер-патриот клубланы сохталары, кадетле, жаш аскерчиле эм анда жашагъанла къатышхандыла. Келгенле бу тийрени къоруулай борчларын толтура ёлген аскерчилени бир минут шош туруу эм гюлле салыу бла эсгергендиле. - Курп бийикликле Къабарты-Малкъарда энчи жерни аладыла. Былайтын фашистле Шимал Кавказны нефть районларына ётерге кюрешгендиле. Мында 1942 жылда 317-чи мараучу дивизия 100 кюн чакълы заманны жауну аллын тыйып тургъанды. Былайда 7 минг совет аскерчи жан бергендиле. Бизни борчубуз а аланы унутмай, эсгере турууду,- дегенди Росвгардияны жер-жерли управлениясыны таматасыны болушлукъчусу полицияны майору Залим Кафоев. Акцияны ахырында битеу алайдагъыла Z харфча тизилип, суратха тюшгендиле, деп билдиредиле Росгвардияны Къабарты-Малкъарда управлениясыны пресс-службасындан.
Холамханланы Алима.
Поделиться: ЧИТАТЬ ТАКЖЕ:
|