«Россети Шимал Кавказ» компанияны оператив штабы эмда специалистлери озгъан байрам кюнледе бек тири ишлегендиле. Аланы къармашыуларыны хайырындан СКФО-да регионлада ток бла жалчытыуда хазна чурум болмагъанды, деп билдиргендиле аны пресс-службасындан.

Авария болса неда чырмау чыкъса деп, 2,4 минг чакълы специалист дайым хазыр болуп тургъандыла. Алада 1200 машина эмда битеу тюрлю оборудование бла техника да бар эди. Керек болса, ала хайырланыучуланы электрокюч бла болжал халда жалчытыргъа да боллукъ эдиле.

Компанияда айтханларыча, бу байрам кюнлеге ала бек тынгылы хазырланыргъа кюрешгендиле, оборудованиягъа да жик-жиги бла къарап чыкъгъандыла. Этилген мадарланы хайырындан, 30 декабрьден башлап, 9 январьгъа дери бир авария неда айтып белгилерча аллай бузукълукъ болмагъанды. Хау, къар жаугъаны неда сууукъла келгени ючюн ууакъ чурумла чыгъа да тургъандыла, алай специалистле аланы созмай кетергендиле.

Хайырланыучулагъа деп «Россети» компанияда кече, кюн да ишлеген телефон ыз барды: 8-800-220-0-220.

Улбашланы Мурат хазырлагъанды.