Сюд приставланы федерал службасыны КъМР-де Управлениясында сабий суратланы «Эм ахшы жангы жылгъы открытка» конкурсунда алчыланы саугъалау болгъанды. Ведомствону башчысы Бауаланы Ахмат къууанчлы халда айырмалыланы алгъышлагъанды. 

Конкурсха приставланы сабийлери кеслерини чыгъармаларын кёргюзтгендиле. Анга къатышханланы жыл санларына кёре юч къауумгъа юлешгендиле. Алай бла 5 жылгъа дери сабийлени арасында биринчи Османланы Ясмина, экинчи   Эльси Шадова, ючюнчю уа Геляхланы Сумайя болгъандыла.  Экинчи къауумда 5 жылдан 10 жылгъа дери жашчыкъла бла къызчыкъла эришгендиле. Аланы араларында айырмалыла   Алина Мамбетова, Эмилия Кярова, Османланы Таулан болгъандыла. Тамата къауумда – 16 жылгъа дери – Эвелина Истепанова, Башийланы Мадина эмда Бёзюланы  Карина белгиленнгендиле. 

Хорлагъанла дипломла эмда татлы ашарыкъла бла саугъаланнгандыла. 

Токъланы Фатима хазырлагъанды.