Энди Россей Федерацияны инсанлары Борчлу халда медицина страхование полисни (ОМС)  кеслерине эм сабийлерине  болса да, «Госуслуги» порталда жарашдырыргъа боллукъдула. Ол себепден аны къагъыт эм пластик формада этилгенин биргелерине жюрюртюрге тюшерик тюйюлдю.

 Алай бла саусуз врачха келген заманда неда поликлиникагъа учётха тургъанда да электрон полисни  телефонда кёргюзтюрге  эркинди. Анга кёре керек шартла адамны «энчи кабинетинден» алынырыкъдыла.

Электрон полис къоллу болур ючюн  «Госуслуги» порталда регистрацияны ётерге керекди, аны номери «энчи кабинетде» алгъадан  билгили эсе уа, цифралы документ автомат халда чыгъарыкъды.

Бусагъатха дери полис алмагъан адам заявление жазып ол электронный формада берилирча эталлыкъды. Ол бир кюнню ичинде хазыр боллукъду. Сабийлеге жарашдырыр ючюн аланы  свидетельстволары керек боллукъду.

Бизни корр.