КъМР-ни Парламентини президиумуну келечилери энчи аскер операциягъа Къабарты-Малкъардан къатышхан аскерчилеге бензин бла ишлеген генератор бергендиле. Аны юйюне солургъа келген аскерчи алгъанды.

Ол депутатлагъа    саугъа ючюн ыразылыгъын айтханды эмда сууукъ кезиуде ол артыкъда керек болгъанын белгилегенди. Генератор лагерьни жылытыргъа жетеригин чертгенди ол. Парламентни спикерини орунбасары Жанатайланы Салим   депутатла мындан ары да аскерчилеге, аланы юйюрлерине болушлукъ этериклерин айтханды.

Депутатла энчи операцияны башдыргъан аскерчилеге болушлукъну дайым да этгенилерин айтырчады. Аланы башламчылыгъы бла жандауурлукъ жюк фронтха жетдирилгенди.

КъМР-ни Парламентини пресс-службасы.