РФ-ни МЧС-ини КъМР-де Баш управлениясыны энчи къаууму «Къан бер да - жашауну сакъла!» деген акцияны къурап, анга тири къатышхандыла.

Къан бериучю станциягъа келгенлени араларында быллай жумушха кёп кере къатышханла бла бирге биринчи кере таукел болгъанла да аз тюйюл эдиле. Дагъыда «Сыйлы донор» деген атны жюрютгенле да болгъандыла. Аланы барысын да бирикдирген а жандауурлукъ болгъанды. Нек дегенде бу магъаналы ишге къошумчулукъ этиуню кереклисин аланы хар бири да толу ангылайдыла.

- Донор къан къыйын халда болгъанлагъа кюн сайын керекди.  Аны себепли хар бирибиз да, станцияны жаны бла озуп бара, ол затны унутмазгъа керекбиз, - деп чертгенди РФ-ини МЧС-ни КъМР-де Баш управлениясыны таматасы Михаил Надёжин.

Ведомстводан бу ишге къатышханланы саны 95 адам болгъанды. Ала 45 литр къан бергендиле.

Таппасханланы Аминат.