КЪМКЪУ - «ЖАШИЛ» ВУЗЛАНЫ САНЫНДАКёп болмай UI GreenMetric World University Ranking рейтинг агентствону эсеплерине кёре, Къабарты-Малкъар къырал университет биринчи кере жер жюзюню «жашил» университетлерини тизмесине къошулгъанды. Бу жол Green Metric рейтингни эм «жашил» вузла деген рейтингде дунияда 1050 университетден КъМКъУ 952-чи жерни алгъанды. Россейде уа 52 вуздан 47-чи болалгъанды. «Билим бериу», «Инфраструктура», «Энергия эм хауада тюрлениуле» бёлюмледе кёрюмдюле ючюн берилгендиле. Шимал-Кавказ федерал округдан «жашил» вузну тизмесине СКФО-ну бла Ставропольну университетлери да киргендиле. UI GreenMetric World University Rankings рейтинг агентство 2010 жылда Индонезиияны Депок шахарыны университетинде къуралгъанды. Ол саулай дунияда университетлени рейтинглерин бардырады. Аны кезиуюнде бу шартлагъа эс бурады: инфраструктурасына; энергокючню бла сууну сакъларгъа болушхан амаллагъа; технологияла; кир-кипчикни жарашдыргъан эм сууну сакълау программала; транспорт маршрутларына; хауагъа азыракъ хата салырча мадар этиуге; экология жаны бла билим бериуге. Магометланы Сулейман.
Поделиться: ЧИТАТЬ ТАКЖЕ:
|