Нальчикде «Универсальный» спорт арада грек-рим тутушуудан регионла аралы эришиу бардырылгъанды. Ол СССР-ни сыйлы тренери Владимир Лобжанидзени хурметине къуралгъанды.

Турнирге 150-ден аслам жаш гёжеф къатышханды. Саугъалы жерлеге кеслерини ауурлукъ къауумларында Кетенчилени Шамил, Аслан Дзуев, Марат Пхитиков, Урчукъланы Къурман, Тохаланы Альберт, Хубийланы Кантемир, Хутуйланы Алидар, Къудайланы Арсен, Темирлан Аталиков, Камиль Магомедов эм талай башха спортчу чыкъгъандыла. Алагъа майдалла, грамотала эм ахча саугъала берилгендиле.

Жашланы тренерле Башийланы М., Хапаланы А., Ёзденланы М., Боллуланы А., Балаланы А., Локияланы Ю., Ачабайланы М. эм башхала юйретедиле.

Кульчаланы Зульфия.