|
НЫБЖЬЫЩIЭ ЗЭЧИИФIЭХЭР ЯГЪЭГУШХУЭ
22 декабря, 2022 - 06:03
КъБР-м щыIэ МВД-м щагъэлъэпIащ «Си адэ-анэр полицэм щолажьэ» зыфIаща, сабий сурэтхэм я Урысейпсо зэпеуэм и щIыналъэ Iыхьэм къыщыхэжаныкIахэр. Къэрал кIуэцI IуэхухэмкIэ министру республикэм щыIэ, полицэм и генерал-лейтенант Павлов Василийрэ КъБР-м щыIэ МВД-м дэлажьэ Жылагъуэ советым и тхьэмадэ Мэкъушэ Русланрэ ныбжьыщIэхэм иратащ фIыщIэ тхылъхэмрэ саугъэтхэмрэ.
Министрыр текIуэныгъэр зыIэрызыгъэхьахэм фIыщIэ яхуищIащ зэпеуэм жыджэру зэрыхэтым папщIэ, узыншэну, дяпэкIи ехъулIэныгъэхэр яIэну ехъуэхъуащ. Къыхигъэщащ мы гъэм иджы япэу Къэбэрдей-Балъкъэрым щыщу ныбжьыщIищ Урысейпсо зэпеуэу Москва щекIуэкIам зэрыщытекIуар. «Полицейский дядя Стёпэ» зэпеуэу мы гъэм и накъыгъэм екIуэкIам и саугъэт къихьащ Бозий Малик. Абрэдж Миленэ и IэдакъэщIэкIыр нэхъыфIу къыщалъытащ илъэс I2-I4 ныбжьым итхэм я зэхьэзэхуэм, Глок Виктор и лэжьыгъэм ещанэ увыпIэр къыщихьащ илъэси 6-8 хъухэр зыхэта зэпеуэм.
- Сабийхэм я IэдакъэщIэкI сурэтхэм дыкъощ дэ - полицейхэр - ди къулыкъур зэретхьэкIри, унагъуэми, нэгъуэщI щIыпIэхэми дызэрыщытри. Фыпсэу, ныбжьыщIэхэ! Лэжьыгъэхэм деплъа иужь вбгъэдэлъ зэчийр гъэщIэгъуэн тщыхъуащ! - къыхигъэщащ министрым.
Павлов Василий щхьэхуэу фIыщIэ яхуищIащ адэ-анэхэм.
- Фэ зэманрэ къарурэ къывогъуэт цIыхум дежкIэ нэхъыщхьэ лъапIэныгъэхэр сабийхэм яхэфлъхьэну, лэжьыгъэмрэ творчествэмрэ, гъащIэр тэмэму къагурыIуэным хывошэ, - жиIащ Павлов Василий.
Адэ-анэхэми министерствэм и унафэщIхэм фIыщIэ хуащIащ сабийхэм я творческэ зэфIэкIыр къызыкъуахынымкIэ Iэмал зэрыратым папщIэ.
БАХЪСЭН Азэмэт.
|
29.03.2024 - 08:57 Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ. |
|
29.03.2024 - 08:56 КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм |
|
29.03.2024 - 08:56 Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос. |
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|