Федерал налог службаны Къабарты-Малкъарда управлениясы бюгюн (15 декабрьде) «Ачыкъ эшиклени кюнюн» бардырады. Ары келгенлеге Бирикген налог счётну юсюнден толу хапар айтыллыкъды. Ол жангы амалды, кеси да келир жылда хайырланылып башланырыкъды.

Акцияда ма бу темаланы юслеринден сёлешинирикди:

Бирикген налог счёт не затды эмда аны хайыры недеди;
Келир жыл биринчи январьдан сора налог тёлеучюлени не зат сакълайды;
Тёлеуле бериуде эмда аланы болжалларында не зат тюрленирикди;
Борчлу халда берилиучю тёлеуле къалай тергелликдиле;
Налогланы бирикген тёлеулери къалай къураллыкъдыла.
Алай бла налог службаны специалистлери Бирикген налог счётну хар несин да жик-жиги бла ангылатырыкъдыла. Аны юсюне дагъыда келир жыл бу сферада къаллай тюрлениуле боллугъун туура этерикдиле, соруулагъа да жууапла берликдиле.

Акция ФНС-ни ма бу жерледе бёлюмлеринде ётерикди:

Нальчик ш., Чайковский атлы орам, 26;
Басхан ш., Катханова, орам 6;
Прохладный ш., Ленин алты орам, 149;
Нарткъала ш., Ленин атлы орам, 62.
Улбашланы Мурат.