НАРТКОТИКХЭМ ЩАХЪУМЭ

7 декабря, 2022 - 06:03

КъБР-м щыIэ МВД-м Наркотикхэр зэрызэрагъэкIуэкIым кIэлъыплъынымкIэ и управленэм щызэхалъхьэжащ Къэбэрдей-Балъкъэрым щрагъэкIуэкIа «Урысейм и сабийхэр-2022» профилактикэ Iуэхум и етIуанэ Iыхьэм кърикIуахэр. 
КъБР-м Егъэджэныгъэмрэ щIэныгъэмкIэ и министерствэм республикэм и адрей министерствэхэмрэ ведомствэхэмрэ хэту щIыналъэм и курыт еджапIэхэм къыщызэрагъэпэщащ наркотикым пэщIэтыным ехьэлIа Iуэху 359-рэ. Къапщытащ щIалэгъуалэр куэду щызэхуэс щIыпIэхэр: нэгузегъэужьыпIэу 32-рэ, апхуэдэуи балигъ мыхъуахэм наркотикхэкIхэмрэ акъылыр зыгъэутхъуэ пкъыгъуэхэмрэ щызрахьэлIэнкIэ хъуну скверхэмрэ паркхэмрэ. 
Къызэрыхагъэщащи, сабийхэм пхъашэу яхущытмэ, ахэр гъэсэнымкIэ я къалэнхэр адэ-анэхэм ямыгъэзащIэмэ, балигъ мыхъуахэр хабзэм щебакъуэ къэхъуамэ зэхэгъэкIыным ехьэлIа профилактикэ Iуэхухэр щрагъэкIуэкIым къапщытащ суд зытращIыхьа адэ-анэхэр балигъ мыхъуахэр ящIыгъуу щыпсэу унагъуэ 295-рэ. Iуэхур щрагъэкIуэкIым щIапщытыкIащ административнэ унэхэмрэ еджапIэхэм япэгъунэгъу щIыпIэхэмрэ, псалъэмакъ щхьэпэхэр драгъэкIуэкIащ еджапIэхэм я администрацэхэм я лIыкIуэхэм, социальнэ егъэджакIуэхэмрэ студентхэмрэ. 
НаркотикхэкIхэмрэ акъылыр зыгъэутхъуэ пкъыгъуэхэмрэ къэхутэным ехьэлIауэ къапщытащ транспорт зэблэкIыпIэу 22-рэ: автомобиль, гъущI гъуэгу вокзалхэмрэ станцхэмрэ, аэропортыр, апхуэдэуи сату щIыпIэу I40-м щIигъу. 
«Урысейм и сабийхэр-2022» профилактикэ Iуэхум и етIуанэ Iыхьэм къриубыдэу административнэ ныкъусаныгъэ 226-рэ ятхащ, балигъ мыхъуахэр гъэсэнымкIэ, егъэджэнымрэ зыхуей хуэгъэзэнымкIэ я къалэнхэр зымыгъэзащIэ адэ-анэхэм ехьэлIа тхылъхэри хыхьэу. 
КъБР-м щыIэ МВД-м и лэжьакIуэхэм а зэманым къриубыдэу уголовнэ Iуэху 24-рэ къаIэтащ наркотикхэкIхэмрэ акъылыр зыгъэтхъуэ пкъыгъуэхэмрэ игъэкIыным теухуауэ, къытрахащ наркотикхэкI грамм 4200-м щIигъу. 
Интернет-сайт 28-рэ къагъуэтащ, наркотикхэкIхэр хабзэншагъэкIэ игъэкIыным пыщIа хъыбархэр илъу. А сайтхэм ехьэлIа хъыбарыр КъБР-м щыIэ Роскомнадзорым Iэрагъэхьащ ахэр зыми къамыгъэсэбэпыфу зэхуащIын папщIэ икIи абыхэм уихьэ мыхъун хуэдэу зыхуэфащэ лэжьыгъэхэр зэфIагъэкIакIэщ.

 

ДЫГУЛЫБГЪУ Жантинэ.

  • 27 просмотров

Поделиться:

ЧИТАТЬ ТАКЖЕ:

16.10.2026 - 09:03

ЩIыналъищыр зэпащIэ

УФ-м транспортымкIэ и министрым и япэ къуэдзэ Пашков Константинрэ Къэрал гъуэгу агентствэм и унафэщI Новиков Романрэ видеозэпыщIэныгъэкIэ я гъусэу, КъБР-м и Iэтащхьэ КIуэкIуэ Казбек хэтащ Къэбэрдей
16.10.2026 - 09:03

Тхыдэр щахъумэ, щIэблэр щагъасэ

Тэрч районым хыхьэ Курп Ипщэ къуажэм дэт курыт еджапIэм Iэщыж Лолэ и цIэр зэ­рихьэу хэт школ музейр «Зи Iуэху бгъэ­дыхьэкIэр нэхъыфI музей» урысейпсо зэпеуэм текIуэныгъэр къыщызыхьа 70-м ящыщ хъуащ
16.10.2026 - 09:03

Жэпуэгъуэм и махуэ гуауэхэр

Налшык дэт 5-нэ къалэ библиотекэм щекIуэкIащ «Жэпуэгъуэм и махуэ ­гуауэхэр» зыфIаща зэIущIэр, 2005 гъэм ди республикэм къыщыхъуам теу_хуар.
15.10.2026 - 09:19

Мыхьэнэшхуэ зиIэщ бжыгъэхэр

Ди республикэм и Iэтащхьэ КIуэкIуэ Казбек хуэзащ Къэбэрдей-Балъкъэр Республикэм лэжьыгъэ IуэхукIэ мы махуэхэм къэкIуауэ щыIэ, Къэрал статистикэмкIэ федеральнэ къулыкъущIапIэм и уна­фэщIым и къуэдзэ
15.10.2026 - 09:18

Къалэным хуэпэжахэр ящыгъупщэркъым

Налшык щекIуэкIащ Хабзэхъумэ IэнатIэхэм я лэ­жьакIуэхэу зи къалэн зыгъэзащIэу хэ­кIуэ­­дахэм я фэеплъ пэкIу.