СУД ПРИСТАВХЭМ Я ЛЭЖЬЫГЪЭМ ЩАГЪЭГЪУАЗЭ

25 ноября, 2022 - 06:05

Урысей ФССП-м и Управленэу КъБР-м щыIэм и IэщIагъэлIхэр яхуэзащ Къэбэрдей-Балъкъэр къэрал мэкъумэш университетым и студентхэм.

УФССП-м къэрал къулыкъумрэ кадрхэмкIэ и къудамэм и унафэщIым псалъэмакъ щхьэпэ ядригъэкIуэкIащ университетым и сату-технологие факультетым и студентхэм. Ясеневэ Регинэ щIалэгъуалэр щыгъуазэ ищIащ суд приставхэм я институтым и тхыдэм, зэрызиужьам, абы и лэжьыгъэм и унэтIыныгъэ нэхъыщхьэхэм, ФССП-м къулыкъу щызыщIэнухэр къызэращтэ щIыкIэм.

Къэрал кIуэцI къулыкъум и лейтенантыр къытеувыIащ щIэныгъэ лэжьыгъэхэм я конкурсми. Студентхэм къащIащ къэхутэныгъэхэр зытеухуар, ахэр щатыпхъэ пIалъэр. Юрист IэщIагъэм хуеджэхэр яфIэгъэщIэгъуэну щIэупщIащ я лэжьыгъэхэр Урысей ФССП-м, ЮстицэмкIэ Урысейпсо къэрал университетым къыдагъэкI газетхэм, тхылъхэм, щIэныгъэ журналхэм къытрадзэну хэкIыпIэ щыIэмэ.

ВУЗ-м и егъэджакIуэхэмрэ студентхэмрэ суд приставхэм фIыщIэ хуащIащ къыдрагъэкIуэкIа псалъэмакъ гъэщIэгъуэным папщIэ икIи жаIащ апхуэдэ зэIущIэхэр хабзэ яхуэхъуну зэрыщыгугъыр.

 

                                                                         

УАРДЭ Жантинэ.

  • 9 просмотров

Поделиться:

ЧИТАТЬ ТАКЖЕ:

23.04.2024 - 10:01

КОМПЬЮТЕР ЩIЭПХЪАДЖАЩIЭХЭМ ЩАХЪУМЭ

21-нэ лIэщIыгъуэм зыужьыныгъэщIэхэр къытхуихьащ, абы къыдэкIуэуи, псом хуэмыдэу ныбжьыщIэхэр зыщыхъумапхъэ Iуэхугъуэхэри ди гъащIэм къыхихьащ.
23.04.2024 - 09:03

ЕКIУУ ЗЫКЪЫЩАГЪЭЛЪАГЪУЭ

Орёл къалэм иджыблагъэ щекIуэкIащ Урысейм каратэмкIэ пашэныгъэр къыщыхьыным хуэунэтIа зэхьэзэхуэ.
23.04.2024 - 09:03

КЪЭЗАН КАРАТЭМКIЭ КЪЫЩЫХОЖАНЫКI

Къэзан къалэм и «АкБарс» спорт комплексым иджыблагъэ щекIуэкIащ «Кубок АкБарс»-р каратэмкIэ къэхьыным хуэунэтIа дунейпсо зэхьэзэхуэ.
23.04.2024 - 08:21

ДОТТУЕВ АХЪМЭТ ЯГУ КЪАГЪЭКIЫЖ

Боксер цIэрыIуэу щыта, дунейпсо зэхьэзэхуэхэм пашэныгъэр къыщызыхьа Доттуев Ахъмэт и фэеплъ урысейпсо зэхьэзэхуэ иджыблагъэ Тырныауз къалэм щекIуэкIащ.
22.04.2024 - 16:54

ЗЭХУЭСЫШХУЭМ ЗЫХУАГЪЭХЬЭЗЫР

Экономикэ