ГЪАЩIЭ УЗЫНШЭМ ХУАУЩИЙ«Урысейм и сабийхэр-2022» зыфIаща профилактикэ Iуэхум ипкъ иткIэ Урысей МВД-м и Управленэу Налшык щыIэм и лэжьакIуэхэр дохутыр-нарколог Нагорная Татьянэ ящIыгъуу псалъэмакъ щхьэпэ драгъэкIуэкIащ къалэм и курыт еджапIэ №32-м щеджэхэм. ЩIэблэм и гугъу хуащIащ акъылыр зыгъэутхъуэ пкъыгъуэхэмрэ наркотикхэкIхэмрэ зэрышынагъуэм. Полицейхэм школакIуэхэм жраIащ наркотикхэкIхэр зэхьэлIэныр зэрызэраныр, ахэр цIыхум и Iэпкълъэпкъым зэрнгуауэм и щапхъэхэр къахьащ, апхуэдэуи щагъэгъуэзащ наркотикхэкIхэр, акъылыр зыгъэутхъуэ пкъыгъуэхэр щэным жэуапым узэрыришалIэм. ШколакIуэхэм гурагъэIуащ щIалэгъуалэр къемызэгъ пкъыгъуэхэр зэхьэлIэным хашэн папщIэ бзаджащIэхэм къагъэсэбэп Iэмалхэр. Iуэхум хэтахэр тепсэлъыхьащ и чэзум «хьэуэ» жыпIэным, апхуэдэу гуп мыхъумыщIэм хэтхэм зыдумыгъэхьэхыным мыхьэнэшхуэ зэриIэм. Лекцэм и кIэухыу школакIуэхэм упщIэ куэдкIэ зыхуагъэзащ IэщIагъэлIхэм икIи узыншэу псэуным теухуа чэнджэщхэр къратащ.
БАХЪСЭН Ланэ.
Поделиться: ЧИТАТЬ ТАКЖЕ:
|