ИШ КЁЛЛЮЛЮК, ЖЫЛЛА БЛА АЛЫННГАН СЫНАМ ДА

Баксанёнокда жашагъан Арсен Озов терек бахчалыкъ бла гитчелигинден кюрешип башлагъанды.  Атасына болуша, аны этгенине къарай, ишни эбине жетерге  кюрешгенди. Ол эсине тюшюргенича,  экиси да бирге кюнле бла арымай-талмай кюрешгендиле.   Аны ючюн болур эди жашлыгъындан окъуна жерчиликге тартыннганы. Жылла бла Арсен кёп жангы затха юйреннгенди, кесини энчи  амаллары окъуна барды.  

- Тереклеге, бирси битимлегеча дайым кёз-къулакъ болгъанлай турургъа керекди.  Бутакълары бир бирге тийип  кенгине жайылмазча,  керексиз бутакъларын, чырпыларын кетерирге керекди. Алай  билмей аны бла кюреширге жарамайды, ансы иги   этеме деп, терекни къурутуп къояргъа боллукъду. Дарманларын эм семиртгичлерин да заманында салыргъа борчлуду. Бюгюнлюкде отуз гектарда  «Делишес», «Симеренко», «Ред Спур», «Джеремин» эм башха сортла ёседиле. Ол санда бир терекде аланы тюрлю-тюрлюлери болгъанла да бардыла,- дейди предприниматель.

Бусагъатда он гектардан жети бла жарым  тоннадан аслам жыйылады.  Ушакъ неёгерибиз айтханыча, бусагъатда тёрели терек бахчалыкъгъа терк айныгъан терек бахчалыкъдан эсе  къарагъан иги да къыйынды. Болсада тёрели бахчагъа тийишлисича къаралса  он жылла бла  чагъаргъа боллукъду. 

Терк айныгъан терек бахчалыкъ 3-4 жылдан сора  бай эм качестволу тирлик берип башлайды.  КъМР-ны Эл мюлк министерстводан билдиргенлерича, бюгюнлюкде республикада 340 мингден аслам тонна жемиш жыйылгъанды. Аллай бахча салыр ючюн, бир гектаргъа 3,5 миллион сом къоратыргъа керекди.

Бусагъатда республикада терк айныгъан терек бахчалыкъланы  уллулугъу 20 минг гектаргъа жууукълашханды. Эсге  сала айтсакъ,  терек бахчалыкъ жаны бла  республикада пилот халда кюрешип башлагъандыла.  Болсада къысха замада ахшы жетишимле болдургъандыла эм къыйматлыгъын да ангылагъандыла. Ол себепден арт жыллада аны бла кюреширге итиннгенле  танг къошула барады.  

Арт кезиуге дери терекчиклени Европадан келтирип тургъандыла.  Бусагъатда уа  бийик технологияланы хайыры бла аланы республикада  онбеш  предприятие ёсдюреди. Ала продукцияларын  Къырымгъа жууукъ тыш къыраллагъа да ашырадыла. 

 

Магометланы Сулейман.

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.