Къабарты-Малкъарда «Къоркъуусуз эм качестволу автомобиль жолла» миллет проектге кёре, Урван районну Герменчик, Эски Черек эм Кахун эллеринде 11 километр чакълы жолгъа тынгылы ремонт этилип, мардалагъа келиширча болгъанды.

Ишлени кезиуюнде жолну мурдорун кючлегендиле, жангыдан асфальт жайгъандыла, тротуарланы жангыртхандыла, белгиле салгъадыла эм къоркъуусузлукъну жалчытырча жумушланы тамамлагъандыла.

Андан сора да, «Регион, муниципал эм жер-жерли автомобиль жолланы айнытыу» къырал программаны чеклеринде Кахунда 7,8 километр жангыртылгъанды.  Республиканы жол мюлк фондундан бёлюннген субсидиягъа уа 3,3 километрде  Герменчикде Ленин эм Каширгов атлы орамлагъа къаралгъанды.

Келир жылда да  Урван районда  жолланы игилендириу бла байламлы ишле бардырыллыкъдыла. Сагъынылгъан миллет проект бла къырал программаны чеклеринде Герменчикде, Нарткъалада, Псынабода эм Кахунда  14 километр чакълы  тёрт объект  жангы излемлеге келиширча боллукъдула.

Бизни корр.