ЖУРНАЛИСТЛЕ БЛА БЛОГЕРЛЕ КЕСЛЕРИН СЫНАГЪАНДЫЛА

Нальчикде 2 номерли от тюшюу-къутхарыу бёлюмде ишлгенле «Почувствуй себя пожарным!» деген блог-тур ётдюргендиле. Аны къурап бардырыу РФ-ни МЧС-ни КъМР-да Баш управлениясыны пресс-службасыны таматасы Кантемир Беровну акъылына келгенди. Журналистле бла блогерле уа, аны жаратханларын билдирип, къатышыргъа сюйгендиле.  «КБР1» телеканалны редактору Никита Маевский эм блогерле Эльмира Замаева, Мухамед Тлизамов эм Заур Нагоев от ёчюлтюучюлени ишлери бла къаршыракъ шагъырейленнгендиле.

Блог-турну башлардан алгъа къонакълагъа белюмню ишини юсюнден От ёчюлтюу эм авария-къутхарыу ишлени къурау жаны бла управленияны таматасы Анзор Кагазежев билдириу этгенди. Ызы бла бёлюмню башчысы Мухамед Кушхов экскурсия бардырып, харкюнлюк иш къалай къуралгъаныны юсюнден хапар айтханды. Андан сора блогерле окъуу классха ётюп, бу усталыкъда терия практкадан аз магъана тутмагъанына тюшюннгендиле. Кюн сайын от ёчюлтюучюле билимлерин ёсдюргенлей турадыла.

Андан сора къонакъланы техника тургъан гаражгъа элтгендиле. Анга блогерлени сейрлери улу эди. Тыш кёрюдюлери бирча болгъан машиналаны борчлары башха-башха болгъаны аланы тамашагъа къойгъанды. Автомобильлени комплектациялары окъуна бирге ушамагъаны сейирсиндиргенди.

Ызы бла от ёчюлюучюле аланы, кийимлерин терк кийип эм бир ненча такъыйкъаны ичинде машинагъа минип, болушлукъгъа атланыргъа юйретгендиле.

Андан ары уа блогерлени практика сакълай эди. Бек биринчиден, алагъа толусунлай кийинип, аркъаларына да кислород баллону такъгъанлай, манекенни ючметрлик трубадан чыгъарып, анга биринчи медицина болушлукъ тапдырыргъа тюшгенди. Андан ары алагъа хауа кёпюрден бла  лабиринтден ётерге да керек болгъанды. Барысы да бир аууздан белгилегенлерича, жумушну толтургъан эм ол кийимледе тепген къыйын эди. 

Блог-турну ючюнчю кезиую уа от ёчюлтюучюле бла бирге жана тургъан мекямгъа кирип, анда манекенни табыу бла байламлы эди. Хар зат да бошалып, таза хауагъа чыгъып, аппаратланы тешгенден сора жаш адамла кеслерини сезимлерин айтхандыла. Ала белгилегеннге кёре, къарангы отоуда  къайры барыргъа эм не этерге ереклисин ангылагъан бек къыйын эди. Бир кезиуледе бир кесек къоркъгъан да этгенлерин ачыкълагъандыла. Алай биргелерине профессионалла болгъанлары аланы бираз тынчайта эди.

Андан сора къонакъла бир бирлери бла эришгендиле. Аланы хар бири да ачыкъ отну ёчюлтюуде кеслерин сынагъандыла. От ёчюлтюу аппаратны хайырлана, ала ким терк къармашырыкъды деп, заманнга сермешгендиле. Аны кезиуюнде блогерле бу усталыкъны кёп жашырынларына да тюшюннгендиле. Сёз ючюн, отну къйырындан ортасы таба ёчюлтюп башларгъа кереклисин билгендиле. От ёчюлтюучюлеге юч минутну ичине 3 тонна сууну къоратыргъа тюшгени алагъа сейир кёрюннгенди.

Бир кесек солугъандан сора блогерле басхыч бла 3 этажгъа миннгендиле. Алгъадан къыйын кёрюннген эсе да, усталаны ызларындан баргъан тынчыракъ болгъанды.  

 - Журналистлеге бла блогерлеге, ишлери бла байламлы, от ёчюлтюучюле бла къутхарыучула къалай ишлегенлерин кёре-кёре турургъа тюшеди. Алай ала къаллай болумлада борчларын толургъанларын а ахырына дери сезмей эдиле.  Кеси башларындан сынап, ишни болумуна толусунлай сингиу а аланы кёз къарамларын тюрлендиргенди деп айтырчады, - дегенди РФ-ни МЧС-ни КъМР-да Баш управлениясыны пресс-службасыны таматасы Кантемир Беров.

Блог-турну ахырында анга къатышханланы барысын да эсде къалырча сугъала бла белгилегендиле.

 

 

Къасымланы Аминат.

Поделиться:

ЧИТАТЬ ТАКЖЕ:

15.02.2025 - 09:03

Ветеранлагъа, энчи аскер операциягъа къатышханлагъа – уллу хурмет бла

КъМР-ни Парламентини  Маданият, граждан обществону айнытыу эм  информация политика жаны бла комитетини башламчылыгъы эмда Къырал музыка театрны болушлугъу бла музыка-поэзия концерт къуралгъанды.

14.02.2025 - 09:50

«Бу кюнледе Нальчикде бардырабыз ишибизни»

Тюнене Къабарты-Малкъаргъа «Биринчилени атламлары» деген битеуроссей жамауат-къырал сабий эм жаш тёлю биригиуню таматасы Россейни Жигити Артур Орлов келгенди.

14.02.2025 - 09:48

«Бизни Жаратхан бергеннге ыразы болуп жашагъан адамдан бай жокъду»

Исламгъа тийишлиликде Аллахутала хар адамны да къадарын,  жашауу къалай къураллыгъын  белгили этеди. Алай сайлар амал бармыды неда мадар этмей, кюрешмей,   тюшерикни сакълап турургъамы керекди?

14.02.2025 - 09:47

Табийгъатыбызны ариулугъун, халкъны чомартлыгъын кёргюзтгендиле

Бу кюнледе халкъла аралы россейли RT телеканалда Къабарты-Малкъарны юсюнден  «Ihland Vision» деген эки сериялы документли бериу кёргюзтюлгенди.

14.02.2025 - 09:29

Казбек Коков жаш тёлю къымылдауну башчылары бла тюбешгенди

Бюгюн КъМР-ни Башчысы Казбек Коков Жаш тёлюню ишлери жаны бла федерал агентствону оноучусу Григорий Гуров бла эм «Биринчилени атламлары» деген битеуросей жамауат-къырал сабий эм жаш тёлю биригиуню