Черек районда «Къашхатау» спорт арада эркин тутушуудан эки кюнню ичинде битеуроссей эришиу бардырылгъанды, ол СССР-ни спортуну устасы Оракъланы Харунну хурметине аталып къуралгъанды. Анга Ингушетиядан, Чеченден, Дагъыстандан, Шимал Осетия-Аланиядан эм бизни республикадан башха-башха жыл санлада 380 гёжеф къатышхандыла. 

Анда «Огъары Малкъар», «Хасания» эм «Къашхатау» клубларыбызда жарау этген жашчыкъла ахшы эсепле болдургъандыла. Кеслерини ауурлукъ къауумларында алтын майдалланы Мызыланы Ислам, Бёзюланы Рамазан, Анахаланы Рашит, Абдулла Аликов, Базоланы Къууанч, Хасауланы Салих, Мисирланы Алан, Чочайланы Элдар къытхандыла. Экинчи жерлеге Мызыланы Асхат, Ёлмезланы Алихан, Гадийланы Малик, Чочайланы Илияс, Отарланы Алихан, Бёзюланы Рашит, Гузойланы Рашит, Гадийланы Мансур, Жангуразланы Шамил, Ахметланы Сулейман, Расулланы Мухаммат, Чочайланы Ислам чыкъгъандыла. Тюменланы Ибрагим, Гузойланы Инал, Чочайланы Амир, Хасауланы Рамазан, Улбашланы Тамерлан ючюнчюле болгъандыла.

Кульчаланы Зульфия.