Шимал-Кавказстатдан билдиргенлерича, биринчи октябрьни эсеплерине кёре, Къабарты-Малкъарны мюлклерини барында да 15,3 минг гектардан 264,8 минг тонна тахта кёгет жыйылгъанды. Былтыр бу заман бла тенглешдиргенде, ол 32 процентге кёпдю. Орта эсеп бла алып айтханда, быйыл бир гектардан 173 центнер жыйылгъанды, неда 30,4 центнерге кёп.  

Бюгюнлюкде бахчалада хобустаны, быхыны, чюгюндюрню эм турманы жыйып бошай турадыла. 

Быйыл тахта кёгетлеге бёлюннген жерни уллулугъу 16,8 минг гектар болгъанды. Ол былтырдан эсе 109 процентге асламды. Жерлени кёбюсю неда 10,5 минг гектары эл мюлк организациялагъа, фермерлеге эм энчи предпринимательлеге жетеди.

Курданланы Сулейман.