«Ёлюм къайда сатылгъанын айт» деген битеуроссей акцияны экинчи кесегинде  МВД-ны Черек районда акъылбалыкъ болмагъанланы  ишлери жаны бла бёлюмюню инспектору полицияны капитаны Марина Жерухова бла лейтенант Залина Эражибова Бызынгыны школунда болгъандыла. Ведомствону къуллукъчулары абадан классланы окъуучулары бла наркотиклени юсюнден ушакъ бардыргъандыла.

Полициячыла сабийлеге наркотикле эм башха уулу затла адамлагъа къаллай хата келтиргенлерин айтхандыла эмда быллай аманлыкъчы ишле бла кюрешгенлени законодательствогъа кёре къаллай жууаплылыкъ сакълагъаныны юсюнден да билдиргендиле. Бу тюбешиуню къурагъанла сабийлени спорт эм маданият кружоклагъа жюрюрге чакъыргъандыла.

Окъуучула полициячылагъа быллай сейир ушакъ бардыргъанлары ючюн сау болугъуз дегендиле, сора иги окъуп, низамлы окъуучула боллукъбуз деп, сёз бергендиле.  

Тюбешиуню ахырында сабийлеге КъМР-да МВД-ны «ышаныулукъну» телефон номерин юлешгендиле. 

Хуламханланы Алина.