АРБАЗЛА КЁЗГЕ ХЫЧЫУУН КЁРЮНЮРЧАКъабарты-Малкъарны ара шахарында жамауат аслам хайырланнган жерледен тышында, кёп фатарлы юйлени арбазларын тапландырыугъа да аслам эс бурулады. Быйыл да «Иги шахар болум къурау» миллет проект бла 59 736 квадрат метрде бардырылгъан ишлени хайырындан элли арбаз мардалагъа келиширча болгъандыла. Аны кезиуюнде асфальт жайылгъанды, кир-кипчик атарча орунла, олтурурча шинтикле да салыннгандыла. Келир жыл энтта да 48 арбаз тапландырыллыкъды, 2024 жылгъа уа элли арбазгъа къараллыкъды. Арбазны регион проектге кёре, игилендирир ючюн жер-жерли администрациягъа билдирирге керекди. Саулай алып айтханда, «Жашау журтла эм шахар болум» миллет проект 2019 жылдан бери бардырылады. Аны баш борчу шахарчыланы оюмларын эсге алып, алагъа тап болурча этергеди. Ол себепден сайлаугъа инсанланы тири къатышырлары изленеди. Магометланы Сулейман.
Поделиться: ЧИТАТЬ ТАКЖЕ:
|