Республиканы Спорт министерствосу билдиргеннге кёре, бу кюнледе Терк районда грек-рим тутушуудан Россейни сыйлы тренери, КъМР-ни физкультурасыны бла спортуну сыйлы къуллукъчусу Нургали Битоковну хурметине ачыкъ республикалы эришиуле бардырылгъандыла. Анда Къабарты-Малкъарны грек-рим тутушуу бла кюрешген жаш спортчулары онбеш ауурлукъ къауумда кеслерин сынагъандыла. Битеу бирге 180-ге жууукъ спортчу къатышханды.

Къабарты-Малкъардан кесини ауурлукъ категориясында Отарланы Мурат (42 кг.) «алтын» алгъанды. Кюмюш майдалгъа Шауаланы Исса (42 кг.), Зарашланы Амир (80 кг.) тийишли болгъандыла.

Ючюнчюлени санына Атмырзаланы Амир (29 кг.), Геккиланы Айдамир (32 кг.), Жашууланы Хасан (60 кг.), Отарланы Омар (65 кг.), Дудуланы Хамзат (80 кг.) киргендиле.

Спортчуланы тренерле Локияланы Ю., Балаланы А., Толгъурланы М., Балаланы Х., Боллуланы А., Хапаланы А., Башийланы М., Ачабайланы М., А. Шхашамишев, М. Каширгов юйретедиле.

Лайпанланы Мадина.