Тарых магъаналы ишни сакъланнган эсеплери бла алгъышлагъанды

КъМР-ни Башчысы Казбек Коков Донецк эм Луганск  халкъ республикаланы, Запорожье эм Херсон областьланы референдумланы эсеплери бла алгъышлагъанды. 
«Биз барыбыз да бу  кюнледе уллу ышаныу эм къууанчлы къайгъы бла сакълагъан тарых магъаналы иш болду. Донецк эм Луганск  халкъ республикалада, Запорожье эм Херсон областьлада жашагъанланы асламысы референдумлада Россей Федерациягъа къошулур ючюн къол кётюргендиле. Башха тюрлю болургъа амал да жокъ эди. Сегиз жылдан аслам заманны ичинде ала Украинаны жанындан террорну бла геноцидни  сынап тургъандыла. Арт жыллада къоркъутууну бла артыкълыкъны политикасы бютюн огъурсуз халда бардырылып башлагъанды. Аллай болумлада, Президентибиз Владимир Путин чертгенича,  жууукъ адамларыбызны ол мурдарланы оноуларына  атып къояргъа эркинлигибиз жокъ эди, аланы къадарларын сайларча жюрек излемлерин толтурургъа болушургъа керек эдик. Референдумлада чыгъарылгъан оноуланы Россей къабыл кёрлюгюне аз да ишеклилик жокъду. 
Бу ишни жууукълашдырыугъа къошумчулукъ этгенибиз ючюн ёхтемленебиз. Къабарты-Малкъарны жюзле бла  уланлары – энчи операциягъа къатышхан аскерчиле – референдумланы къоркъуусуз ётдюрюуге къыйын салгъандыла, ала бюгюн да Россейни эркинлигин, къоркъуусузлугъун, жер бирлигин къоруулайдыла. Азатланнган регионлада жашагъанланы – къарындашларыбызны бла эгечлерибизни – референдумну эсеплери бла жюрекден алгъышлайма. Херсон областьны Скадовский, Каланчакский эм Голопристанский районларында жашагъанлагъа чексиз къууаннганымы билдиреме. Энди биз бютюн жууукъ болгъанбыз. 
Россейни къанат тюбюнде Донбассны, Запорожье эм Херсон областьланы халкълары мамырлыкъ, тамблагъы кюннге, сабийлерини жашаулары къоркъуусуз эм тийишлисича къуралырына ышаныу табарларына толу ийнанама», - деп жазылады республиканы Башчысыны алгъышлауунда.
Эсигизге салайыкъ, белгиленнген регионлада Россей Федерациягъа къошулууну юсюнден референдумла 23-27 сентябрьде  бардырылгъандыла, деп билдиредиле КъМР-ни Башчысыны эм Правительствосуну  пресс-службасындан.  

 

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.