«Жолда жюрюуню къоркъуусузлугъуну ыйыгъы» битеуроссей акциягъа республиканы жюзден аслам школчусу къатышханды.

Аны чеклеринде къырал автоинспекторла  башланнган эм орта классланы окъуучулары бла тюбешип, алагъа жол белгилени магъаналары ангылатхандыла, орамдан  къалай ётерге жарагъанын энтта бир кере эсгертгендиле, школну тийресинде къоркъуусуз жерлени белгилегендиле.

Дагъыда инспекторла машинада къоркъуусуз бауну тагъаргъа кереклисин, алай бла уа адам кесини  жашауун, саулугъун сакълагъанын, аварияны кезиуюнде аны хайырланнган ачымагъанын да билдиргендиле.

Ахырында жолда жюрюуню жорукъларыны юслеринден кино кёргюзтюлгенди. Сабийлени тюбешиуге сейирлери уллу болгъанын айтырчады, ала къонакълагъа соруула бергендиле, кеслерини оюмларын айтхандыла. Ахырында инспекторла школчулагъа светоотражательле саугъалагъандыла эмда бирге суртаха тюшгендиле.

Тикаланы Фатима хазырлагъанды.