КъБР-м и Iэтащхьэм и къалэнхэр пIалъэкIэ зыгъэзащIэмрэ «Ростех-Бизнесым зегъэужьыныр» зэгухьэныгъэм и лIыкIуэхэмрэ хэплъащ Тырныауз комбинатыр зэтегъэувэжынымкIэ проектыр гъэзэщIа зэрыхъум

КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ К. В. Налшык щахуэзащ «Ростех-Бизнесым зегъэу­жьы­ныр» зэгухьэныгъэм и генеральнэ директорым и къуэдзэ Чернов О. Д., а зэгу­хьэ­ныгъэм и генеральнэ директорым и къуэ­дзэ, «Iуащхьэмахуэ бгы-руда комбинат» жэуап зэхэгъэщхьэхукIа зыхь зэгухьэныгъэм и генеральнэ директор Ушаков И. А. сымэ.

Ахэр хэплъащ Тырныауз вольфрам-молибден руда къыщыщIэхыныр зэтегъэувэжынымрэ абы елэжьынымкIэ проектыр гъэзэщIа зэрыхъум.
ЗэIущIэр къыщызэIуихым Къэбэрдей­-Балъкъэрым и унафэщIым къыхигъэщ­хьэ­ху­кIащ «республикэм и мызакъуэу зэ­рыщыту Урысей Федерацэм и дежкIи стратегие мыхьэнэ зиIэ проектым» егугъупхъэу зэрыщытыр, сыту жыпIэмэ, къэралым зыхъумэжыныгъэмкIэ и комплексым зегъэу­жьыныр абы куэдкIэ елъытащ. Ап­хуэдэу Iуэхум пыщIащ экономикэм технологие ­лъагэхэр къэзыгъэсэбэп и IэнатIэ хэхахэр. Апхуэдэу КIуэкIуэ Казбек къыхигъэщхьэхукIащ проектыр гъэзэщIэным и инвестор ­нэхъыщььэ «Ростех» къэрал корпорацэм и къудамэ «Ростех-Бизнесым зегъэужьыныр» компаниер мыбы тэмэму зэрыхэтыр: «Дэ дызэщIыгъуу лэжьыгъэшхуэ зэфIэдгъэ­кIащ. Иджы адэкIэ Iуэхум тэмэму зедгъэу­жьын папщIэ ди мурадхэмрэ ахэр щызэ­фIэдгъэкIыпхъэ пIалъэхэмрэ зэдгъэуIун ­хуейщ».
2016 гъэм и щэкIуэгъуэ мазэм Урысейм и Президент Путин В. В. УФ-м и Правитель­ствэм хуигъэувауэ щытащ Тырныауз дэт вольфрам-молибден комбинатыр зэте­гъэувэжынымкIэ, абы и финанс-экономикэ къызэгъэпэщыкIэр убзыхунымкIэ ­проектым къытригъэзэжу хэплъэну икIи зыхуэфащэ Iуэхухэр къыхилъхьэну. Абы иужькIэ ЩIыуэпсым и хъугъуэфIыгъуэ­-           хэр къэгъэ­сэбэпынымкIэ федеральнэ агентствэм ири­гъэкIуэкIа зэпеуэм щытекIуащ «Ростех» къэрал корпорацэм и IуэхущIапIэ «Iуащ­хьэмахуэ бгы-руда комбинат» жэуап зэхэгъэщхьэхукIа зыхь зэгухьэныгъэр. Корпо­рацэм и эксперт пашэхэм руда къыщIэ­хыпIэхэр щIапщы­тыкIащ икIи адэкIэ ­лэ­жьыпхъэхэр яуб­зыхуащ. Апхуэдэ къэ­хутэ­ныгъэхэр про­ект-сметэ документацэ гъэхьэзырынымкIэ лъабжьэу уващ.

 

КъБР-м и Iэтащхьэмрэ ­Правительствэмрэ я пресс-IуэхущIапIэ.

Поделиться:

ЧИТАТЬ ТАКЖЕ:

26.05.2024 - 10:01

Познавательная экскурсия

Минераловодский центр организации работы железнодорожных станций и Прохладненская дистанция пути на железнодорожной станции «Котляревская» организовали «Урок безопасности» для первоклассников майск

26.05.2024 - 09:03

Полиция сообщает

Новые способы обмана

25.05.2024 - 09:03

Более двух десятков амбулаторий и стационаров

До 2025 года на модернизацию первичного звена здравоохранения будет направлено 7,2 млрд рублей.

25.05.2024 - 09:03

Будущее в цветах

На фестивале «Будущее в цветах» международной выставки-форума «Россия» проходит голосование за лучшую экспозицию, представленную регионами страны.

25.05.2024 - 09:03

Росгвардия сообщает

На личном контроле руководства